Ukraina prezidenti Volodımır Zelenskıy, sentâbr 25-inde Birleşken Milletler Teşkilâtınıñ Baş Assambleyasınıñ 74-ünci sessiyasında umumiy muzakerelerde çıqışta bulunğanda, onıñ "esas maqsadı - bütün işğal etilgen topraqlarnıñ qaytarması", dep ayttı.
"Cenkniñ toqtatılması, bütün işğal etilgen topraqlarnıñ qaytarılması - menim maqsadımdır, amma onıñ fiyatı - vatandaşlarımız, Ukrainanıñ öz taqdirini belgilemek aq ve azatlığı olmamalı. Tamam bunıñ içün biz dünya qol tutuvına muhtacmız. Men añlayım ki, mında bulunğan er kesniñ öz devlet qaseveteri bar. Ve birevniñ problemaları sizni özünkilerinden çoq raatsızlamaq kerekmey. Men añlayım. Bu yaşayış. Amma zemaneviy dünyada "birevniñ" cenki yoq artıq. Avropada cenk olğance, kimse özüni telükesiz duyıp olamaz', - dedi Zelenskıy.
Ziyaret vaqtında Volodımır Zelenskıy turğun inkişaf boyunca sammitte iştirak etip, bir sıra eki taraflı körüşüvler keçirecek, şu cümleden Amerika prezidenti Donald Trumpnen de.
Beyaz Ev, Trump ve Zelenskıynen birinci körüşüvi sentâbr 25-inde olacağını bildirdi.
Bundan ğayrı, ziyaret vaqtında, Ukraina prezidenti, AQŞ ukrain cemiyetiniñ liderlerinen, AQŞ eudi teşkilâtlarınıñ reberlerinen ve Amerika iş adamlarınıñ vekillerinen körüşecek, dep bildirdiler Prezident Ofisinde.
