Bazarertesi künü, sentâbrniñ 23-nde, Ukraina prezidenti Volodımır Zelenskıynıñ Amerika Qoşma Ştatlarına iş ziyareti başlana. Bunı devlet başınıñ matbuat kâtibi Yuliya Mendel bildirdi, dep haber ete Radio.Svoboda.
Ziyaret vaqtında Volodımır Zelenskıy turğun inkişaf boyunca sammitte iştirak etip, bir sıra eki taraflı körüşüvler keçirecek, şu cümleden Amerika prezidenti Donald Trumpnen de.
Beyaz Ev, Trump ve Zelenskıynen birinci körüşüvi sentâbr 25-inde olacağını bildirdi.
Bundan ğayrı, ziyaret vaqtında, Ukraina prezidenti, AQŞ ukrain cemiyetiniñ liderlerinen, AQŞ eudi teşkilâtlarınıñ reberlerinen ve Amerika iş adamlarınıñ vekillerinen körüşecek, dep bildirdiler Prezident Ofisinde.
Daa Zelenskıy, BMT Baş Assambleyasınıñ sessiyası vaqtında munaqaşalarda çıqışnen bulunacaq.
