AQŞ prezidenti Donald Trump, New Yorkta sentâbr 25-inde BMT Baş assambleyasınıñ sessiyası çerçivesinde Ukraina prezidenti Volodımır Zelenskıynen körüşecek. Radio Svododa haber etkenine köre, Beyaz Ev sentâbrniñ 20-sinde doğru tarihnı aydınlattı.
Ukraina prezidenti ofisi, BMT tedbiri vaqtında körüşüv olacağını tasdıqladı.
Siyasetçiler, Donbass cenkiniñ tertipleştirme esnasını, ve Ukraina ile AQŞ energetika ve ticaret saalarında ortaqlığını muzakere etecekleri beklenile.
Beyaz Ev, Tramp, Minsk añlaşmaları boyunca bütün taraflarnı mecburiyetlerini amelge keçirmege çağırtacağını bildirdile.
Tramp ve Zelenskıy, Poloniya paytahtı Varşavada körüşecek edi. Amma AQŞ prezidenti, "Dorian" furtunası sebebinden Poloniya ziyaretini lâğu etti.
