Qırımda tevqif etilgen qırımtatar faali, siyasetçisi ve jurnalisti Nariman Celâlnıñ mektübi
Meni Ceza Qanunnamesi (Rusiye - muar.) anayasa qurulışınıñ esaslarına ve devlet telükesizligine qarşı cinayetler kibi sayılğan cinaiy arekette qabaatlaylar.
Faqat, menim içün aydındır ki, demokratik zenginliklerge riayet etmegen, amma iç olmağanda olarnı beyan etken devlet içün büyük telüke sahte araştırma ve qararsızlıq ve obyektivlik priniplerini ihmal etken sımarlanğan "adliyedir".
Rusiye akimiyeti ile dialog qurmaq imkânsız, dep aytqan edi: Qırımda tutulğan Nariman Celâl nenen belli (fotoresimler)
Meni, Rusiyeniñ Ukrainağa qarşı tecavuzını ve Qırımnıñ işğalini takbih etken adamnı mahkeme etelerNariman Celâl
Anayasa qurulışını mudafaa etmege çağırılğan şahıslar öz cinaiy areketlerinen özleri memleketni qanunsızlıq uçurımına iteyler.
Ve aynı zamanda meni, Rusiyeniñ Ukrainağa qarşı tecavuzını ve Qırımnıñ işğalini takbih etken adamnı mahkeme eteler.
Lâkin bugün biz köremiz ki, Rusiyeniñ cinayetleri em memleketniñ içindeki, em de onıñ tışında problemaralnıñ menbasıdır.
Rusiye yalıñız problemalarınıñ kerçek cinayetçilerini takbih etip öz telükesizligini temin etecek.
Qırımda apiske alınğan qırımtatar faali, siyasetçi ve jurnalist Nariman Celâlnıñ mektübini yanvarniñ 28-nde advokat Nikolay Polozov Facebook saifesinde derc etti.
Anğara köyündeki «gaz borusında diversiya» davası
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.