Link açıqlığı

Saatnıñ esas haberi

Lilâ Bucurova: Emil Kürbedinovğa tercmeialnı yapalar


Rusiye quvetçileri tutılıp alınğan advokatnı mahkemege ketirdi, Aqmescit, 2018 senesi, dekabr 6
Rusiye quvetçileri tutılıp alınğan advokatnı mahkemege ketirdi, Aqmescit, 2018 senesi, dekabr 6

Biz yaşağan kerçeklik, ep yañı mantıq, aqıl ve mana deñiştirüvleri ve bozmalarınen tola. Cumaaqşamı künü Aqmescit Kiyev rayonı mahkemesinde (devamı cuma künü) eñ belli Qırım advokatlarından birisi Emil Kürbedinovnı… 2013 senesi Facebookta yapılğan yazı içün mahkeme eteler. Belki de, o aynı, 2017 senesi yanvarde onı 10 künge tevfiq etip, dünyağa belli etken yazıdır.

Meraqlısı, Emil Kürbedinovnı bu sefer, şimdi Dimaşqta (Damask) yaşağan, amma IP-adresi Lugansk vilâyetinden qayd etilgen şahıstan kelgen çaquv sebebinden tutıp aldılar.

Mantıqsızmı? Elbette ki. Amma etrafımızdaki kerçek şimdi böyle. Yaqında Sergey Davlatovnıñ “Zapovednik” (“Qoruq”) kitabını başqadan oqudım (duyğan kibi) ve atta bir ibareni yazıp aldım: “Men kete edim ve tüşüne edim - dünyanı delilik qaplap aldı. Delilik norma olıp qala. Norma - mücize duyğusınıdoğura”.

Teselli bergen yekâne şey: bu aqılsızlıqnıñ müellifleri öz-özüniñ duşmanlarıdır. Olar, degerlik ve adalet ölçevleri olmağan bir dünyanı tize. Bu, er şeyi baş aşağı çevirilgen, dünyada“adaletli mahkeme”, “qanun boyunca yaşamaq kerek”, “eyilik yamanlıqnı daima yeñe”, ve ilâh. ve ilâh., şu sıradan on emirniñ de episi kibi iddialar çalışmay.

Bu saçmalıq dünyasınınñ kerçegi şu şekilde: uquq qoruyıcı - cinayetçilernen degil, namuslı insanlarnen küreşken birisi; mahkemeci - qanunnı degil de, qanunsızlıqnı qorçalağan birisi, mahkemelengen - cinayetçi degil de, qanunsızlıqnı qorçalağan, uquq qoruyıcı ve mahkemeciniñ qurbanı. Böylece, mahkemelengen - advokat olğanı, yani olarnıñ başqa qurbanlarınıñ imayecisi, iç te şaşırtmay.

12 защитников и шесть часов суда: как рассматривали дело Курбединова (видео)
Bekleñiz, lütfen

No media source currently available

0:00 0:02:03 0:00

Kürbedinovnıñ özü emin ki: o, yaqın vaqıtta Keriç boğazında yüz bergen vaqialardan soñ tevfiq etilgen ukrain deñizcilerinden birisiniñ advokatı olğanı içün onı mahkeme eteler.

Ne ise, Qırım advokatınıñ adını kene bütün dünyağa belli ettiler. Ve Emil öz taqipçilerine: “Acayip tercimeialım içün sağ oluñız” dese olacaq.

Lilâ Bucurova, jurnalist,QaraDeniz production studiyasınıñ baş müdirniñ muavini

«Bloglar» rubrikasında bildirilgen fikirler müelliflerniñ baqışlarını aks etip, muarririyetniñ baqışlarınen aynı olmaması mümkün.

(Lilâ Bucurovanіñ Facebook saifesinden alınğan​)

XS
SM
MD
LG