Advokat Kürbedinov mahkemege ketirildi (video)
Qırımlı advokat Emil Kürbedinov Aqmescitniñ Kiyev rayon mahkemesine ketirildi. Dekabrniñ 6-nda saba Qırımda Rusiyeniñ Ekstremizm ile küreş merkeziniñ hadimleri onı Rusiye Memuriy cinayet kodeksiniñ 20.3 maddesini bozğanında şeklep tuttı. Advokat 2013 Senesi Facebookta paylaşqanları içün memuriy apis cezasını ala bile. Qırımdaki Rusiye İç işler nazirliginiñ idaresi bu malümatnı daa izaatlamadı. Rusiyeniñ Ekstremizm ile küreş merkeziniñ hadimleri ve üyken prokuror Valentin Çuprina Emil Kürbedinovnı ekstremizm ve terrorizm qanunları bozulmaycaq, dep tenbiyelegen edi.