Sovet, gürci yırcısı Vahtang Kikabidze, Qırımda 2014 senesi olıp keçken vaqialarnı, Rusiye tarafından Qırım işğali kibi qabul ete.
Bu aqta o, Qırım.Aqiqatqa bergen eksklüziv intervyüsinde ayttı.
"Bu işğalniñ özü. Mında iç bir türlü tarihiy adalet yoq. Olar (Rusiye - QA) buña işğal demesini istemese edi, olarğa oturıp, aqıllı-bilgili adamlarnen laf etmek kerek edi. Men ise öskenimden berli bile edim, Qırım - bu Ukraina", - dep qayd etti Kikabidze.
При этом он уверен, что территориальные потери Украины в данном случае несоизмеримы с грузинскими и украинцы не станут мириться с этим.
"Mesele şunda ki, Abhaziya - pek küçük bir yerdir, Cenübiy Osetiyada - bu 2-3 köy, bu başqa laf. Ukrainler ise pek milletçiler, olarnıñ qanında bu bar, olar qolaylıqnen teslim olmaz. Bunı añlamaq kerek. Çünki bugün Qırım barmı, yoqmı, amma ileride ne olacağını kimse bilmey. Bizde daa fena olacağını biz, gürciler, bilemiz. Amma Ukrainanen böyle şaqalar olmaz", - dedi sanatkâr.
2008 senesi avgust ayında Rusiye ve Gürcistan arasında, Abhaziya ve Cenübiy Osetiya separatist bölgelerinde cenk başlandı. Muarebe başlanması içün qabaatnı er taraf raqibine ata. Beş künlük cenkte yüzlerce adamlar elâk oldı, biñlerce adamlar meskensiz qaldı, alâ daa şu eki topraq parçaları, çezilmege dava vaziyetinde bulunmaqta. 2008 senesi cenkten soñ Rusiye, Cürcistannıñ Abhaziya ve Cenübiy Osetiya separatist bölgeleriniñ "mustaqilligini" tanıdı. Bölgelerniñ ekisinde de Rusiye ordusı ve arbiy bazaları bar. Rusiyeden ğayrı, Suhumi ve Tshinvaliniñ mustaqilligini Nikaragua, Venesuella ve Nauru tanıdı. Tbilisi ve Ğarbiy devletler ise, bu topraqlarnı Gürcistannıñ işğal etilgen parçaları, dep qabul ete.
