Keçken sene işğal etilgen Qırımda Keriç köprüni aynı vaqıtta 10-dan 14-ke qadar Rusiye gemisi ve katerleri qorçalay edi. Şimdi olar yoq, dronlardan qorumaq içün ise aviatsiya qullanıla. Bu aqta Ukrayina Arbiy deñiz quvetleriniñ spikeri Dmıtro Pletentçuk "Gromadske radiosına" bergen izaatında ayttı.
"Er vaqıt, hususan furtuna vaqtından evel, bütün imkânlarnı quvetleştireler. Bular gidrotehnik inşaatlar, bular pontonlar, bular çeşit qoşma inşaatlar. Keçken sene, meselâ, köprüniñ qoruvında aynı vaqıtta 10-14 gemi ve kater bar edi. Şimdi olarnıñ sayısı sıfır. Olar bunı ava qısmına çevireler", — dep ayttı o.
Pletençuknıñ aytqanına köre, deñiz dronlarından qorunmaq içün RF ordusı ilk nevbette vertolötlarnı qullana.
"Çünki olar aynı tezlikte ola ve, bunıñnen beraber, olarnen böyle bir bölükte patrullik etmek uçaqnen ketkeninden daa qolay. Ve aşağıda çalışmaq mümkün. Amma, elbette, ava şaraitleri uçmağa imkân bermey bile", — dep bildirdi spiker.
Rusiye deñiz dronlarınıñ ücümlerine yol bermemege ve Keriç boğazındaki köpürni qorumağa tırışa. 2024 senesiniñ yazında köprüniñ cenübiy tarafında barjalar qoyulmağa başladı, soñra köpürge parallel ketken yüzici bon qurulışları peyda oldı. Yañı uydu resimleri köprüni qorçalağan barjalarnıñ sayısı bayağı arttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
