Qırımnıñ rusiyeli akimiyeti koronavirus telükesi sebebinden evelce kirsetilgen sıñırlav tedbirlerinden soñ, mayısnıñ 1-inde bazı sanayı saalarınıñ işlerini başlamaq qararına keldi.
Rusiye nezaretindeki Qırım başı Sergey Aksönov, hususan, hızmet saasınıñ işi başlaycağı közde tutulğanını bildirdi.
"Hızmet saasında çalışmaqnı razı olmağa añlaştıq. Yaqın vaqıtta kurort saası, sanatoriyler, kinoteatrler ve müzeyler çalışmaycaq. Berberhaneler ve dülberlik salonları ise açılacaq", - dedi Aksönov.
Rusiye nezaretindeki Qırım ükümetiniñ başı Yuriy Gotsanük, quru temizleyicilerniñ, kompyuter, maişet tehnikası ve ayaqqap tamirhaneleriniñ, kadastr, mimarcılıq ve müendislik ve tehkika leyhalaştıruvı faaliyetinen oğraşqan teşkilâtlarnıñ mayısnıñ 1-inde açılacağını ayttı. Bundan ğayrı, mayısnıñ 1-inden itibaren avtomobil yedek qısımlarını, qurulış malzemelerini, santehnika ve isitüv donatmasını satqan müessiseler ve iş adamları işini baylay bilecekler.
Qırımlılar bu beyanatlarnı türlüce tefsir ete.
Yahşı, klass! Amma nasıl manaçıq tapıp endi olarğa barıp yetmek mümkün
Men de añlamayım - adamlarğa evden çıqqanları içün cöreme belgilense, bir şeylerni açmaq ne kerek?
...yalıñız Qırım açıq ve böyle kontakt virusı vaqtında "normal" ayat tarzını başlay. Eminim, bu doğru qarar degil. Soñra hastalarnı qayda qoymağa bilmeycekler. Meraqlı, ocaqnı nasıl qıdırmaq? Ve dülberlik salonlarında müşterilerni kim açıqlap berecek. Olmaycaq şey
Akimiyet tarafından yapılğan seçimli qarar çoqusına şübeli köründi.
Tüp urba qaydan almalı? Bu esas kereklik malı degilmi aceba?
Ne içün ayaqqap ve urba tükânlarınıñ çalışmasına yasaq bar, amma olar bergilerden iç olmadım yarım yılğa boşatılmadı, sadece 10 künge?! Alınğan baar malı satılmay, demek yaz malını almağa para yoq. Bergilerni neden ve ne içün töleyik? Biz ne, Konstantinov kibi millionerlermizmi? İçşiler ne aqçağa yaşasın?
«Извините, мы закрыты». Крым и карантин – в объявлениях (фотогалерея)
Urba ve ayaqqap satqan iş adamlarınıñ qalğan iş adamlarından ne farqı bar? Bizge aşamaq kerekmeymi? Ya da esaplarımızda millionlarnen paramız bar? Kimge YAŞAMAQ mümkün, KİMGE İSE YOQ dep bölmege kim aq bergen?
Vesiqa tecimeleri, notariuslar, kseroks ve kantselâriya malları, taşınmaz mallar agentlikleri, sigorta teşkilâtları!!! Açıñız - bular eñ kereklidir!
Kitap bazarını açıñız, bizim de bala-torunlarımız, ana-babalarımız bar, er kes aşamaq istey ve er kesniñ parağa ihtiyacı bar.
Lütfen, istisal etilgen mal bazarlarında ticaretni razı oluñız. Biz tışarıda, taze avada çalışamız. Ne içün dülberlik salonında ustanen müşteri yan-yanaşa olğance, biz evde oturmalımız?! Qaysı tedbirler aqqında aytasıñız?
Ya urba ve ayaqqap? Ya trusik ve büstgalterler, ya çoraplar? FB-de bunı yazmaq - adam menliginiñ aşalamasıdır!!! Amma ne yapmalı?
Рынки и магазины закрыты, переходы опустели. Симферополь на карантине (фотогалерея)
Bellesem, birev lobbi yapqan. Cumhuriyet memurlarınıñ qadınları saip olğan nasıldır salonlar barmı? anda baqmaq kerek. Çünki bunıñ mantığı asıl yoq.
Siz alâ daa añlamağansıñız, virus pek havflı ve sadece belli zenaat saiplerine yuqa bile :-)
Koronavirusnen bağlı sıñırlavlar sebebinden biznes sağ qalmaq sıñrındadır. Qırım akimiyeti iş adamlarını desteklemek içün nasıldır çareler köre. Hususan, ayrı saalar içün bergi tölevini yımşaqlastırdılar. Tefsirciler bu çareler yeterli degil dep saya.
Devlet şurasınıñ nevbetteki alçaqlığı. Onıñ adı: işsizlilerni ve ceplerini urayıq. İş toqtap qalğan soñ, bergi aqqında asıl nasıl laf köterile bile?
Bergilerniñ bir qısmı? Bu nasıl ya??? Biz evde oturamız... Çalışmağa yaşaqlandı. Esaplarımızğa kelgen para yoq...
Neticede teşkilâtlarnıñ ve iş adamlarnıñ çoqusı faaliyetleriniñ toqtatmasını saylar.
Tizden köterildik.
Ve bu daa ikâyeniñ soñu degil...
* * *
Mında yazılğan bütün şey açıq menbalardan alındı
