Beşinci yıldan berli Qırım tükânlarına ukrain erzaq malları ve başqa mahsulat yiberilmey. Amma qırımlılarnıñ olarğa asreti öyle de qaldı.
Qırımnıñ çoq sakini ya da özü qıta Ukrainağa barıp mal ala, ya da tanış-bilişlerine andan sımarışlar yapa.
Men asıl et aveslisi degilim, amma tünevin öyle bir istedim. Yarıboş "Papa mojet" kolbas peştahtası yanında turdım, soñ o papanı sögip, barıp er vaqıt kibi domatis, hıyar ve yüzüm aldım. Kyivge kelsem - etke toyarım.
Tefsircilerniñ fikrince, Rusiye mallarınıñ keyfiyeti ukrain mallarından bayağı zayıftır. Olarda palma yağı olğanına mıtlaq çoq şikâyet eteler.
Rusiyelilerniñ ğıda genotsidi.
Marazlar. Olur-olmaz şeylernen aşatalar.
Palma yağı ve süt tozu. Aman-aman bütün buzqaymaqlar ve şekerlemeler "yañıdan qurulğan" sütten yapıla
...Belki de yaqınlarda sığırlar asıl yoq olur, çünki süt istisalı içün olar kerekmeyler
Ayvanasrayıcılıq fermaları yoq, otlaqlar yoq, amma ne içün? Suv yoq! Otlaqlar olmaz. Köy hocalığı keriley, ve oña destek yoq. Tuvarlarnı otlatmağa yer qayda? Qırım şimali qurıp kete. Nasıl süt, nasıl sağım? Ne aqqında aytasıñız... Sarğılıqtaki yararlıq müddetini baqıñız... Aylarnen, yarım yıllarnen, süt üç kün tura bile, amma bu qadar degil. Statistika esabatları külünçli.
Bellesem, kerçekten palmadan yapalar. Qırımnıñ kimet süt zavodları, süt ve süt mallarını tabiiy hammaldan istisal eteler, dep aytalar, amma öz sığır sürüleri yoq, zavodğa ise künde bir süt maşnası kele.
Men süt ve qaşqavallarnı endi yalıñız bazardan evdeki soylarını ya da Belarus erzaq tükânlarından alam. Volodinniñ biznesine boykot yapam... Kimerde, Ukraina ya da AB-nden sanktsiya malları çastıma rastkelse, olarnı alam...
Bu palma yağı bütün şekerlemelerde ve tek olarda degil! Aşqazanlarımızdan yoq eteler...
Ukraina mahsulatı Qırımda yetmey. Sağınam
Erzaq mallarnıñ yaramay keyfiyeti ve terkibindeki zararlır maddeler bir yaman niyetli plannıñ parçasıdır, dep tüşüngenler de bar.
Mında yazılğan bütün şey açıq menbalardan alındı
