Çarşenbe künü, iyün 3-ünde, Bağçasaray rayonında Cheru ve Mercedes maşnaları uruştı, üç adam yaralandı. Bunı Rusiye FVN-niñ Qırım idaresi bildirdi.
"Bugün saat 12:25-te Bağçasaray rayonınıñ Qaralez köyüniñ yanında yol qazası olğanı aqqında qurtaruv hızmetine bildirme keldi. Yaralanğanlar bar. Qurtarıcılarnıñ yardımı kerek... Qaza oğrağan üç adamnı acele yardım maşnasına qoydılar", - denile beyanatta.
Daa evel Aqmescit rayonında salı künü, iyün 2-sinde, "KAMAZ-581493" maşnası 1944 yılı doğma qadınnı urğanı bildirildi. Qadınnıñ köpürçik kemigi qırıldı, onı hastahanege qoydılar.
Mayıs 28-inde Aqmecitte Kiyevskaya soqağında üç naqliyat çatıştı. Maşnalardan birisi trolleybusqa uruldı, eki maşnanıñ yolcuları yaralandı.
Aqmescit rayonında mayıs 24-ünde aqşam eki yengil maşna yol qazasına oğradı, eki bala yaralandı.
Mayıs 21-inde Aqmescit civarında moped ve yengil maşna qazağa oğradı, eki adam elâk oldı.
