Aqmescit rayonında mayıs 24-ünde aqşam eki yengil maşna yol qazasına oğradı, eki bala yaralandı. Bunı mayıs 25-inde Rusiye İİN-niñ Qırım idaresi bildirdi.
Bu malümatqa köe, VAZ-21102 maşnasınıñ aydavcısı ekinci derece yoldan baş yolğa çıqqanda, baş yoldan ketken Daewoo Nexia maşnasına yol bermedi, bunıñ neticesinde maşnalar çatıştı.
Uruştan soñ Daewoo Nezia maşnası yolnıñ tışına ketip avdarıldı.
Qazada Daewoo Nexia maşnasında olğan 2013 ve 2007 seneleri doğma eki bala yaralandı. Olarnı hastahanege qoydılar.
Mayıs 21-inde Aqmescit civarında moped ve yengil maşna qazağa oğradı, eki adam elâk oldı.
"Honda Dio" mopedini aydağan 2002 senesi doğğan adam, 1990 senesi doğğan adam aydağan "Mazda 3" maşnasına yol bermedi ve onen çatıştı. Bu uruştan yengil maşna qarşı yolaqqa çıqtı ve "Mercedes Benz" maşnasınen uruştı", - denile beyanatta.
Qaza neticesinde "Honda Dio" mopediniñ aydavcısı ve "Mazda 3" maşnasınıñ aydavcısı elâk oldı.
Bundan evel Aqyarda Fiolent şossesi ve Vakulençuk soqağınıñ çaprazında Gagarin parkında mayıs 10-unda aqşam eki maşna uruştı.
Aprel 29-ında Keriçte Kolhoznaya soqağında 25 metrlik uçurımda yengil maşna yıqıldı, yaralanğan bar edi.
Aprelniñ 22-sinde Aqyarda yol qazası oldı, onıñ neticesinde bir aydavcını hastahanege qoydılar.
