Link açıqlığı

Saatnıñ esas haberi

Aqmescit civarında yol qazasında eki adam elâk oldı - politsiya


Aqmescit civarında moped ve yengil maşna qazağa oğradı, eki adam elâk oldı.

Bunı Rusiye İİN-niñ Qırım idaresiniñ matbuat hızmeti bildire.

Müessisege köre, yol qazası "Ermeni Bazar-Aqmescit-Aluşta-Yalta" yolunda oldı.

""Honda Dio" mopedini aydağan 2002 senesi doğğan adam, 1990 senesi doğğan adam aydağan "Mazda 3" maşnasına yol bermedi ve onen çatıştı. Bu uruştan yengil maşna qarşı yolaqqa çıqtı ve "Mercedes Benz" maşnasınen uruştı", - denile beyanatta.

Qaza neticesinde "Honda Dio" mopediniñ aydavcısı ve "Mazda 3" maşnasınıñ aydavcısı elâk oldı.

Bundan evel Aqyarda Fiolent şossesi ve Vakulençuk soqağınıñ çaprazında Gagarin parkında mayıs 10-unda aqşam eki maşna uruştı.

Aprel 29-ında Keriçte Kolhoznaya soqağında 25 metrlik uçurımda yengil maşna yıqıldı, yaralanğan bar edi.

Aprelniñ 22-sinde Aqyarda yol qazası oldı, onıñ neticesinde bir aydavcını hastahanege qoydılar.

XS
SM
MD
LG