Aqmecitte Kiyevskaya soqağında cumaaqşamı künü üç naqliyat çatıştı. Maşnalardan birisi trolleybusqa uruldı, eki maşnanıñ yolcuları yaralandı.
Bunı Rusiye İİN-niñ Qırım idaresiniñ matbuat hızmeti haber etti.
"Şevrole Klan" maşnasınıñ aydavcısı Gagarina soqağından Nikanorova soqağına taraf Kiyevskaya soqağından ketkende, kenardaki sol yolaqtan sağ yolaqqa keçkende, telükesiz mesafeni saylamadı ve qarşısına kelgen VОLКSWАGЕN ТRАNSРОRТЕR maşnasınen çatışrı. Bundan soñ "Şevrole Klan" sol taraftan ketken trolleybusqa uçıp uruldı", - denile beyanatta.
Müessisege köre, yol qazası neticesinden eki adam - VОLКSWАGЕN ТRАNSРОRТЕR ve "Şevrole Klan" yolcuları yaralandı.
Aqmescit rayonında mayıs 24-ünde aqşam eki yengil maşna yol qazasına oğradı, eki bala yaralandı.
Mayıs 21-inde Aqmescit civarında moped ve yengil maşna qazağa oğradı, eki adam elâk oldı.
"Honda Dio" mopedini aydağan 2002 senesi doğğan adam, 1990 senesi doğğan adam aydağan "Mazda 3" maşnasına yol bermedi ve onen çatıştı. Bu uruştan yengil maşna qarşı yolaqqa çıqtı ve "Mercedes Benz" maşnasınen uruştı", - denile beyanatta.
Qaza neticesinde "Honda Dio" mopediniñ aydavcısı ve "Mazda 3" maşnasınıñ aydavcısı elâk oldı.
