İlhaq etilgen Aqyarda General Hrükin soqağında üç taraflı yol qazası oldı, onıñ sebepçisi yaş patapatçı edi. Bunı Rusiye FVN-niñ Aqyar bölüginiñ matbuat hızmeti bildire.
Müessisege köre, Aqyar sakini başta Nissan maşnasına uruldı, soñra qarşı yolaqqa çıqıp, Honda maşnasınen çatıştı.
"Yaş aydavcıcı bala şeer hastahanesine alıp kettiler, naqliyatnı ise cöreme meydançığına yolladılar", - denile beyanatta.
Matbuat hızmeti qayd etti ki, yol qazasınıñ sebepçisi - 17 yaşındaki köllec studenti, onıñ adına aydavcılıq şeadetnamesiz yürgeni içün memuriy protokol tizildi, oña köre 5-ten 15 biñge qadar cöreme ola bile.
Martnıñ 29-ında gece "Lübimovka - Belbek (Fruktovoye)" yolunda yol qazası oldı, bir adam elâk oldı.
Qırımda Seyit Eli (Juravki) köyü ve Curçı (Pervomayskoye) qasabasınıñ arasında "Tavrida" trassasında yol qazası oldı, Hyundai yük maşnasınıñ aydavcısı elâk oldı.
"Aqmescit - Aluşta" yolunda Anğara (Perevalnoye) köyü yanında Daewoo Lanos maşnası beton tiremege uruldı, bir aqay elâk oldı.
Daa evel Qırımnıñ Yedi Quyu (Leninskoye) rayonında "Tavrida" trassasında yengil maşna yük maşnasınen çatıştı.
