Qırımda Seyit Eli (Juravki) köyü ve Curçı (Pervomayskoye) qasabasınıñ arasında "Tavrida" trassasında yol qazası oldı, Hyundai yük maşnasınıñ aydavcısı elâk oldı.
Bunı Rusiye nezaretindeki Qırım FVN-niñ matbuat hızmeti haber ete.
"İlk alınğan malümatqa köre, Hyundai maşnasının aydavcısı idareni baş etamayıp, endekke tüşti. Neticede ög camdan maşnada yıqıldı ve köpçek tübüne tüşti. Yazıq ki, adam elâk oldı", - denile qurtarıcılarnıñ beyanatında.
"Aqmescit - Aluşta" yolunda Anğara (Perevalnoye) köyü yanında Daewoo Lanos maşnası beton tiremege uruldı, bir aqay elâk oldı.
Daa evel Qırımnıñ Yedi Quyu (Leninskoye) rayonında "Tavrida" trassasında yengil maşna yük maşnasınen çatıştı.
Salı künü, martnıñ 10-unda, aqşam qırımnıñ Qurman rayonında Dewoo Lanos ve Mersedes Sprinter maşnaları çalıştı. Doquz adam yaralandı.
