Qırımnıñ Yedi Quyu (Leninskoye) rayonında "Tavrida" trassasında yengil maşna yük maşnasınen çatıştı. Bunı Rusiye FVN-niñ Qırım idaresi bildire.
Müessise malümatına köre, yengil maşnanıñ aydavcısı qarşı yolaqqa çıqıp, yük maşnasına uruldı.
Beyanatqa köre, yol qazasında üç adam zarar kördi. Nissan Qashqai maşnasınıñ 1971 senesi doğma aydavcısı, 1993 senesi doğma yolcusı ve 2020 senesi doğma bala yaralandı.
Keççe belli oldı ki, Nissan Qashqai maşnasınıñ 1991 senesi doğma yolcusı elâk oldı.
Salı künü, martnıñ 10-unda, aqşam qırımnıñ Qurman rayonında Dewoo Lanos ve Mersedes Sprinter maşnaları çalıştı. Doquz adam yaralandı.
Fevralniñ 13-ünde, Aqmescitte Opel Vectra ve Chevrolet Aveo maşnaları qazağa oğradı. Neticede üç adam yaralandı.
Bağçasaray rayonınıñ Ulaqlı (Glubokiy Yar) köyü civarında "Tavrida" trassasında fevralniñ 5-inde aqşam yol qazası oldı.
