Link açıqlığı

Saatnıñ esas haberi

Aqmescit: Celâl suvuqta tutula – advokat


Nikolay Polozov

Tevqif etilen qırımtatar faali ve siyasetçisi Nariman Cenlâlnıñ tutulğan Aqmescit SİZO-nıñkamerası alâ daa qızdırılmay. Bunıñ aqqında Facebookta advokat Nikolay Polozov yazdı.

«Sağlığı yerinde. Suvuqlanman artıq keçti. Amma baquv şaraiti müsbet taraqa deñişmedi. Kamera alâ daa qızdırılmay, bundan ğayrı SİZO müdiriyeti kameranıñ kerekli ev tehnikası ile donatıluv meseyelsi alâ daa çezilmedi. Apayı Narimanğa berip yibergen ilâclar oña tam miqdarda barıp çıqmağanı da belli oldı», – dep haber etti advokat.

Evel Polozov apiske alınğan qırımtatar siyasetçisi ve faali Nariman Celâl tutulğan Aqmescit SİZOsınıñ kamerası pek az qızdırıla, dep haber etken edi. Onıñ aytqanına köre, SİZO reberligi kameranı buzdolabı ve televizornen donatmaq içün alâ daa izin bermedi.

Rusiyeniñ Cezalarnı yerine ketirüv federal hızmeti Polozovnıñ aytqanlarını tefsir etmey.

Noyabrniñ 8-nde Celâl patlayıcı cihaznıñ qaçaqçılığında da qabaatlandı. Oktâbrniñ 28-nde faalniñ SİZOda qaluv müddeti 2022 senesi yanvarniñ 23-ne qadar uzatıldı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Anğara köyündeki «gaz borusında diversiya» davası

Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.

Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.

FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.

Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.

Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.

Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.

Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.

XS
SM
MD
LG