AQŞ-nıñ Devlet kâtibi Mike Pompeo, dekabrniñ 10-unda Washingtonda Rusiye Tış İşler Naziri Sergey Lavrovnen körüşkende, ukrain Qırımnıñ qanunsız ilhaqını hatırlattı.
Pompeo briefingde qayd etkeni kibi, olarnıñ körüşüvini ekseriyeti Ukrainanıñ muzakeresine bağışlanğan edi.
"Lavrov bey, Putin ve Zelenskıynıñ muzakeresi keçken Parijden qayttı. Men, Ukrainanıñ şimdiki memuriyeti ülkeniñ suvereniteti ve havfsızlığını qorumaq içün yapqanınen ğururlanam. Qırım Ukrainağa ait olğanını ve Ukraina şarqındaki çatışma "Minsk añlaşmaları"nıñ yerine ketirilmesinen başlana, dep nazir Lavrovğa daa bir kere ayttım", - qayd etti Pompeo.
Lavrov, Pompeonıñ Qırım aqqında aytqanlarını tefsir etmedi.
"Normandiya dortü" - Ukraina, Rusiye, Frenkistan ve Almaniya - liderleriniñ üç yıl içinde ilk körüşüvi Parijde dekabrniñ 9-ında keçe. Ukraina prezidenti Frenkistan prezidenti Emmanuel Macron, Almaniya kantsleri Angela Merkel ve Rusiye prezidenti Vladimir Putin ile eki taraflı körüşüvler keçirdi.
Ukraina prezidenti Volodımır Zelenskıy, Parijde dekabr 9-ında keçken "Normandiya formatı"ndaki körüşüvden soñ matbuat konferentsiyasında çıqışta bulunğanda, Ukraina ve onıñ halqı içün bozulmaz printsiplerni belgiledi. Hususan, o, Donbass ve Qırım Ukrainanıñ bir parçası olğanını qayd etti.
Ukraina prezidenti Volodımır Zelenskıy ayttı ki, Volodımır Putinnen Qırım meselesini muzakere etmege azırlana edi, dep ayttı, amma eki taraflı körüşüvde laf oñace barmadı.
Ukraina prezidenti Volodımır Zelenskıy «er kesni er keske» şeklinde esirler deñişiminiñ tafsilâtlarını aydınlattı. Onıñ aytqanına köre, bu esnas bir qaç basamaqtan ibaret.
Qırımtatar Milliy Meclisiniñ reisi Refat Çubarov, Parijde «normand dördü» memleketleri liderleriniñ körüşüvi vaqtında imzalanğan vesiqa «qırımlı siyasiy mabüslerni deñişimden alıp taşlay», dep qayd etti.
