Martnıñ 27-nde Qırımda keçirilgen kütleviy tintüvlerden soñ apiske alınğan qırımtatar faali Servet Gaziyevniñ sağlıq vaziyeti SİZOda fenalaştı. Bu aqta Qırım.Aqiqatqa Gaziyevniñ advokatı Aleksandr Stasük bildirdi.
“Gaziyevniñ kene sağlığı febalaştı. Bunıñ içün bir kün evel bildim ve birden birinci sefer tibbiy baqıluvnı azırlamağa yardım etken teşkilâtqa muracaat ettim. Bu - “Za prava çeloveka” areketiniñ Rostov bölügi. Cumaaqşamı künü Cemiyet Közetüv Komissiyasınıñ oturışı ötkerilecek, anda Servet Gaziyevge yardım etüv meselesi baqılacaq. Bizim malümatımızğa köre, kerekli tibbiy yardım oña etilmey. Yani baqıluvdan soñ oña tedaviylevden tayinlengen edi, amma oña sadece ağrını toqtatqan aşılavlar yapılar. Amma tamamınen tedaviylev yapılmay”, - dep aytıp berdi Gaziyevniñ advokatı.
Mayıs ayından advokat Ayder Azamatov apiske alınğan qırımtatar faali Servet Gaziyevniñ sağlıq vaziyeti SİZOda keçirgen eki ay devamında fenalaştı.
По словам защитника, Газиев в суде жаловался на частые боли в желудке и почках, а также проблемы с сердцем.
Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Rusiye FSBsi Qırımda tintüvler keçirilgenini tasdıqladı.
Mezkür dava boyunca 25 qırımtatarı qabaatlana, 23-ü Rostov-na-Donu, Taganrog ve Şahtı SİZOlarına çıqarıldı. Raim Ayvazov Aqmescit SİZOsında tutula, daa bir kişi – Edem Yayaçikov – ğayıp oldı, bulunğan yeri martnıñ 27-nden berli belli degil.
OSCE kütleviy haber vastalarınıñ serbestligi vekili Harlem Désir martnıñ 27-nde Qırımda keçirilgen kütleviy tintüvlerden soñ «Qırım birdemligi» faalleriniñ apiske alınuvını takbih etip, olarnıñ Rusiye SİZOsından acele azat etilüvine çağırğan edi.
Rusiye Tış işler nazirligi OSCE kütleviy haber vastalarınıñ serbestligi vekili Harlem Désirniñ apiske alınğan «Qırım birdemliginiñ» faallerini, Qırımdaki vatandaş jurnalistlerini azat etmek çağıruvları «şaşıra», dep bildirdi.
«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
