Ekinci Bağçasaray “Hizb ut-Tahrir davası”nıñ iştirakçisi, “Qırım birdemligi” cemaat birleşmesiniñ koordinatorı Server Mustafayev Rusiyeniñ Krasnodar şeerindeki SİZOda deşetli şaraitte tutula.
Bu Qırım.Aqiqatqa Mustafayevniñ advokatı Lilâ Gemeci bildirdi.
Onıñ aytqanına köre, Server Mustafayevni ve daa bir mabüsni 4 kvadrat metlik kamerada tutalar.
“Server deşetli şaraitte tutula, Avropa şartnmesine köre – iskenceler şaraiti. Müşterim tutulğan kamera – 4 metr kvadrat. Keçken sefer ziyaretimden soñ Servernen bir kamerağa daa bir kişi yerleştirildi. Şimdi er biri içün 2 metr kvadrat. Anda daa yataqlar, kenef-vanna qavuşağı, yuvunaq, stol”, – dep tarif etti Gemeci.
Onıñ aytqanına köre, vesiqalarğa köre Mustafayev tranzit, umumiy kamerada tutula. Kerçekten ise asla başqa kamerada. Bunıñ ile, Mustafayev Krasnodar taqiqat tevqifhanesiniñ reberine endi 3 şikâyet yazğanını bildirdi.
“Serverniñ aq-uquq qorçalav faaliyeti ve bilgileri esapqa alınsa, bu onı adamlardan, olarğa yardım köstermekten uzaq tutmaq içün yapıla. Ne zaman Rostov-na-Donu şeerine etap etilecegi şimdilik belli degil”, – dedi Gemeci.
Ukraina Yuqarı Radasınıñ insan aqları vekâletlisi Lüdmila Denisova, Bağçasaray "Hizb ut-Tahrir davası"nıñ iştirakçileriniñ şaraitlerini yahşılaştırmağa, rusiye akimiyetinden talap ete.
Ранее сообщалось, что двое фигурантов второго бахчисарайского дела Хизб ут-Тахрир Тимур Ибрагимов и Сервер Мустафаев находятся в СИЗО Краснодара, остальные шестеро обвиняемых этапированы в СИЗО Ростова-на-Дону. Об этом рассказала мать Ибрагимова.
Daa evel kkinci Bağçasaray "Hizb ut-Tahrir davası"nıñ iştirakçileri Server Zekiryayev ve Memet Belâlov Rostov-na-Donu (Rusiye) şeeriniñ №1 SİZOsına etap etilgeni aqqında bildirile edi.
Avgustta Şimaliy Kavkaz bölge arbiy mahkemesi, ekinci Bağçasaray "Hizb ut-Tahrir davası" iştirakçileriniñ tevqifini altı ayğa uzattı.Timur İbragimov, Marlen Asanov, Memet Belâlov, Seyran Saliyev, Server Zekiryayev, Ernes Ametov, Server Mustafayev ve Edem Smailov, SİZOda 2020 yılı fevral 13-ünece tutulacaq
«Qırım birdemligi» cemaat teşebbüsiniñ koordinatorı Server Mustafayev ve qırımtatar, musulman Edem Smailov 2018 senesi mayısnıñ 21-nde Qırımda Rusiye uquq qoruyıcıları tarafından tutulğan edi. Olarnıñ davası Bağçasaraydaki «Hizb ut-Tahrir davasına» ilâve etildi.
