ABD Qırımdaki Rusiye mahkemesiniñ "gaz borusındaki diversiya davası" boyunca apiske alınğan qırımtatar siyasetçisi ve faali Nariman Celâl ve qarımtatar faalleri ağa-qardaş Asan ve Aziz Ahtemovlarnıñ tevqif müddetiniñ uzatılmasını "Rusiyeniñ qorqutuv kampaniyasınıñ devamı" kibi saya. Bu aqta ABD-niñ Ukrainadaki elçiligi Twiterde yazdı.
"Mahkeme" Qırımtatar faalleri Nariman Celâl, Asan ve Aziz Ahtemovlarnıñ şikâyetini red etip, Rusiye qorqutuv kampaniyası devam etti. Uydurılğan qabaatlandan sebep bu faallerniñ tevqif etilmesi Qırımda başqa fikirde olğanlarnıñ bastırılması içün yapılğan soñki suistimaldır", - dep yazıla bildirmede.
Rusiyeniñ nezaretinde olğan Qırımnıñ Yuqarı mahkemesi Qırımda "gaz borusındaki diversiya davası" boyunca apiske alınğan qırımtatar siyasetçisi ve faali Nariman Celâl ve qarımtatar faalleri ağa-qardaş Asan ve Aziz Ahtemovlarnıñ tevqif etilmesine qarşı berilgen mudafaa tarafınıñ istinaf şikâyetini red etti.
Qırımtatar siyasetçisi ve faali Nariman Celâl «tış dünyadan ciddiy bir izolâtsiyada» tutula.
Aziz Ahtemovğa SİZO-ğa bütün mektüpler barıp çıqmay. Bunıñ aqqında o noyabrniñ 30-ı tarihlı mektübinde yazdı.
В этом месяце супруги арестованных крымскотатарских активистов впервые за несколько месяцев смогли посетить своих мужей в СИЗО.
Aziz Ahtemovnıñ ömür arqadaşı Adilege dört ay içinde ilk sefer aqayını Aqmescit SİZOsında ziyaret etmesine izin berildi. Asan Ahtemovnıñömür arqadaşı Repikaaqayını Aqmescit SİZOsında ilk sefer ziyaret etti.
Qırımda Rusiye quvetçileri Anğara köyündeki «gaz borusında diversiya» davasınıñ ilk tahqiqatını yekünledi. Qırımtatar faali ve siyasetçi Nariman Celâlnıñ daa bir qabaatlavı aydınlatıldı.
Anğara köyündeki «gaz borusında diversiya» davası
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.
