Link açıqlığı

Qırım.Aqiqat içün mahsus

Rusiye memurları Donbassta Kreml başlatqan cenkke bağışlanğan daa bir ukrain filmini yasaqlamağa tırışa. Bu defa söz, arbiy areketler esanasında ayatlarnı qurtarğan alicenap paraşütçi asker ekimlerine bağışlanğan «Barışıq içün yapılğan cenk» filmi aqqında kete. Yasaqnıñ «avcısı» sıfatında, ğayreti daa evel akimiyetniñ yüksek mükâfatınen taqdirlengenigrenç propagandacı Pötr Tolstoy çıqa: daa evel meşur olmağan jurnalist Devlet Duması reisiniñ muavini tayin etildi. Filmni, artıq Rusiye Baş prokuraturasına mütenasip ricanen muracaat etken medeniyet Nazirligi yasaqlatmaq istey.

Daa evel «vatanperver faaller» «Artdokfest» festivalinde diger«Qurşun uçusı» adlı ukrain filminiñ numayışına bozmağa istediler. Qırımtatarnıñ lideri Mustafa Cemilev aqqındaki filmniñ numayışını teşkilâtçılarnıñ özleri lâğu etken edi. Olarnıñ izaatlarına köre, festival reberlerine: ya Cemilev, ya da festival, degen şart qoyulğan.

Rusiye reberleri bütün aqiqat ve yalanlarnen devletniñ ealisini,informatsion vakuum içinde tutmağa tırışa

​Ukrain kinosına yapılğan ücüm asla da boş bir ücüm degil. Rusiye reberleri bütün aqiqat ve yalanlarnen devletniñ ealisini, eñ alçaq hususiyetli propagandanen toldurılğan informatsion vakuum içinde tutmağa tırışa.

Halqara arenada Kreml digerlerniñ söz serbestligi ve «rus dünyasınıñ» pek ğayretli imayeci rülüni oynay. Lâkin nevbet Rusiyeniñ içindeki informatsion meydanına kelip etkeninde, meger, putinlik yılları devamında toqulğan kerçek«demir perdeden» içerge, yalannı viran etmesi bir çette tursın, onı şube altına kirsetecek iç bir şey kirip olamay.

Siyasiy yayınlar köstergeni kibi söz, yalıñız alternetiv fikir ve köpek afırması yarışlarına çevirilgen «imayeci» televizion aqqında yürsetilmey. Söz, Roskomnadzor tarafından yasaqlanğan internetniñ hususiy saytları, atta kinoteatr ekranları aqqında yürsetile.

Elbette, Rusiye propagandası içün eñ muimi – insanlarğa şube ve tüşünme fursatı bermemek. Em de hususan, Vladimir Putinge bütün halq qol tutqanı numayış etilecek 2018 senesiniñ prezident saylâvlarından evel. Onıñ içün Qırımnı ilhaq etken devletniñ kinoekranlarında Mustafa Cemilev aqqındaki film kösterilip olamay.

Ukrain ekimleri aqqında film köstermek yasaq, çünki teşviqat kösterilmeli

​Çünki birinciden, Rusiye propagandası içün «rus Qırımınıñ» efsaneleştirilmesi keder etken qırımtatar probleması yoq. Ekinciden ise, özüniñ mükemmel itibarı ve özüniñ ahlâqiy aqlılığına işanğan Cemilev, Qırımnıñ işğalci memuriyetindeki çeşit türlü «goblinlerge» köre, başqa türlü olıp körüne. Onıñ içün oña bağışlanğan filmni köstermek yasaq.

Paraşütçı asker ekimleri aqqında da köstermek yasaq. Çünkü Dondassnı işğal etken devlet vatandaşlarınıñ añında «banderlerden» «rus dünyasını»qorçalağan yalıñız rusiyeli «göñülliler» olmaq kerek. İşğal çette tursın, amma «o tarafta» cenkke bile qarşı çıqacaq insanlar olğanını, rusiyeli vatandaş tasavvur bile etip olamay. Ukrain ekimleri aqqında film köstermek yasaq,çünki teşviqat köstermek kerek.

Rusiyedeki rejim devlet informatsion meydanını nezaret altında tutmağa devam etkence, bu böyle olmağa devam etecek. Ukraina ise bu meydannı film, kitap, işğal altında bulunğan topraqlarğa yayın yaparaq teşip keçmek kerek. Ve, elbette, bu topraqlarda ve devletniñ serbest topraqlarında yat propagandağa qarşı küreşüv vastasınen de.Eger – yalan vicdan azabı çekmeden bütün aqiqatğa tosmenlik yapmağa areket etken maalde, oña keñ yol berilse – o alda tek eñilmek mümkün.

«Fikir» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mümkün

XS
SM
MD
LG