Link açıqlığı

Berezovets: Ukraina mustaqillik Kününde qırımlılar duyğularını gizlemege mecburlar


Free Crimea leyhasınıñ müellifi, siyasiy tehnolog Taras Berezovets dey ki, Ukraina mustaqillik Künü Qırım sakinleri vatanperverlik duyğularını gizlemek zorunda qaldılar.

Bunı o Qırım.Aqiqatnıñ mahsus leyhası - «Qıtadan hayırlavlar» - çerçivesinde qayd etilgen video muracaatında ayttı.

«Sizler bugün vatanperverlik duyğularını gizlemege mecbursıñız, ve mavı-sarı bayraqlar bütün Ukrainada, evlerde, balkonlarda ve maşinalarda asılsa, siziñ yürekleriñizde olar daa ziyade dalğalanacaqlar», – dedi Berezovets.

Onıñ aytqanına köre, «Donbasstaki cenkke baqmadan, Ukraina Qırım sakinlerini unutmay ve olarnıñ azat etilmesini talap etecek».

Ukrain bayramı munasebetinen Qırım.Aqiqat mahsus leyhağa başlay – «Qıtadan hayırlavlar». Kün devamında Qırım.Aqiqat siyasetçi, memur, siyasetşınas ve jurnalistlerniñ yarımadada yaşağan qırımlılar içün qayd etken video muracaatlarını aydınlatacaq. Qırımtatarlarnıñ milliy lideri Mustafa Cemilev, Ukrainanıñ Avropa insan aqları mahkemesi işlerinden ükümet vekâletlisi Boris Babin ve Qırım kurort sabıq naziri Aleksandr Liyevniñ muracaatları endi aydınlatıldı.

XS
SM
MD
LG