Link açıqlığı

Babin: Ukraina mustaqillik Kününi azat etilgen Qırımda beraber qayd etecekmiz


Ukrainanıñ Avropa insan aqları mahkemesi işlerinden ükümet vekâletlisi, qırımlı Boris Babin yarımada sakinlerine Ukraina mustaqilligi Künü munasebetinen muracaat etip, Qırımnıñ Ukraina nezareti altına keri keçmesini körmege tiledi.

Bunı o Qırım.Aqiqatnıñ mahsus leyhası - «Qıtadan hayırlavlar» - çerçivesinde qayd etilgen video muracaatında ayttı.

«Beraber toplaşıp, bu künni Qırımda – azat etilgen Qırımda – qayd etecegimiz kününi körmege tileyim. İnsan aqlarına emiyet berilecek Qırımnı körmege tileyim. İqtisadiyat er keske hızmet etecek Qırımnı körmege tileyim. Millet, siyasetke köre ayırım yapılmağan Qırımnı körmege tileyim», – dep ayttı Babin muracaatta.

O, ümüt ete ki, Qırım azat etilgen soñ anda «yabancılar olmaycaq, barışıq olacaq», qırımlılar ise «öz toprağında beraber yaşaycaqlar».

Onıñ aytqanına köre, soñki bir buçuq sene «Qırım ve qıtaiy Ukraina sakinleri küreşmesi kerek olğan esas qıymetler bar olğanını» köstergen.

Ukrain bayramı munasebetinen Qırım.Aqiqat mahsus leyhağa başlay – «Qıtadan hayırlavlar». Kün devamında Qırım.Aqiqat siyasetçi, memur, siyasetşınas ve jurnalistlerniñ yarımadada yaşağan qırımlılar içün qayd etken video muracaatlarını aydınlatacaq. 2014 senesi mayıs ayından berli Rusiye akimiyeti Cemilevge yarımadağa kirişini yasaq etti.

Qırımtatarlarnıñ milliy lideri Mustafa Cemilevniñ muracaatı endi aydınlatıldı. O, qırımlılarnı Taras Şevçenkonıñ eserinden sözler ile hayırlap, Rusiyeniñ qorquları aqqında tarif etti.

XS
SM
MD
LG