Link açıqlığı

Saatnıñ esas haberi

Cemilev qırımlılarnı Ukraina mustaqillik Künü ile hayırlap, Rusiyeniñ qorquları aqqında tarif etti


Cemilev qırımlılarnı Ukraina mustaqillik Künü ile tebrikledi (video)
Bekleñiz, lütfen

No media source currently available

0:00 0:02:14 0:00

Qırımtatarlarnıñ milliy lideri, Ukraina prezidentiniñ qırımtatar halqı işlerinden vekâletlisi Mustafa Cemilev Ukraina mustaqillik Künü işğal etilgen Qırımda yaşağan vatandaşlarına muracaatta bulunıp, Rusiye akimiyetiniñ devirilmek qorquları aqqında ayttı. Cemilev bu qorqu Ukrainağa istilânıñ sebebi olğanını qayd etti.

Bunı o, Qırım.Aqiqatnıñ mahsus leyhası – «Qıtadan hayırlavlar» – çerçivesinde ayttı.

«Mustaqillikniñ 25 yılı devamında ukrainler bir çoq netice çıqardılar, olardan biri budır – memlekette er şey yahşı olmasa, qorqmayıp areket etmek kerek ve halq menfaatları ve memleket menfaatlarına hızmet etmegen akimiyetni devirmek kerek. Diger memleketler içün de güzel bir örnek, ve bu sebepten örnegimizden qorqıp, qomşu memleket bizge istilâ etti», – dedi o.

Cemilev emin ki, Ukraina bu zıddiyette yeñecek.

Ukraina mustaqillik Künü Cemilev vatandaşlarına muracaat etip, ukrain şairi Taras Şevçenkonıñ eserinden sözlerni hatırladı.

«Şevçenkonıñ böyle sözleri bar: «Tuvğan memleketni sevmegenler yüregi saqat olğanlardır. Ümüt etem ki, bunıñ kibi saqatlar yıl-yıldan azlaşacaq. Semetdeşlerimni, canını feda etmege azır olğan askerlerimizni, Qırımda yaşap, işğalcilerge qarşılıq köstergen vatandaşlarımıznı Ukraina mustaqillik Künü ile can-yürekten hayırlayım», – dedi o.

Ukrain bayramı munasebetinen Qırım.Aqiqat mahsus leyhağa başlay – «Qıtadan hayırlavlar». Kün devamında Qırım.Aqiqat siyasetçi, memur, siyasetşınas ve jurnalistlerniñ yarımadada yaşağan qırımlılar içün qayd etken video muracaatlarını aydınlatacaq. 2014 senesi mayıs ayından berli Rusiye akimiyeti Cemilevge yarımadağa kirişini yasaq etti.

XS
SM
MD
LG