Link açıqlığı

Akimiyet Hıdırlezi qırımtatar milliy medeniyetine yardım ete – Sergey Aksenov


Qırım akimiyeti qırımtatar Hıdırlez bayramını keçirdiler

Qırımtatar milliy Hıdırlez bayramını qırımtatarlarnıñ milliy medeniyet, urf ve adetlerini saqlamaq maqsadı ile keçirdiler. Bu aqta tedbirde Qırımnıñ Rusiye ükümetine Sergey Aksenov bildirdi.

«Rusım, amma insanlarğa munasebetim boyunca – internatsionalistim. Dostlarım arasında qırımtatarlarnıñ sayısı çoq olğanı ile ğururlanam. Eminim, böyle alda Qırım halqları Qırımımıznı çastlı etip olur», – dep bildire Aksenovnıñ sözlerini Qırım Cumhuriyeti Başınıñ matbuat hızmeti.

Qırımnıñ Rusiye akimiyetiniñ başı Sergey Aksönov, Qırım devlet şurasınıñ şimdiki reisi Vladimir Konstantinov qırımtatar milliy Hıdırlez bayramında
Qırımnıñ Rusiye akimiyetiniñ başı Sergey Aksönov, Qırım devlet şurasınıñ şimdiki reisi Vladimir Konstantinov qırımtatar milliy Hıdırlez bayramında

Bunıñ ile, matbuat hızmetiniñ malümatına köre, Qırımnıñ şimdiki başı Vladimir Konstantinov Qırım halqları birlik ve barışıqnı meydanğa ketirmek içün areket etmeli – degen fikrini bildirdi.

«Bugün birlikte tınç Qırımnı qurmalımız, ve eminim ki, Qırımnıñ umumiy bayramınıñ aydın kelecegi bardır», – dedi Qırım Devlet Şurasınıñ Reisi.

Qırım Musulmanları Diniy idaresiniñ reisi, Qırım müftisi hacı Emirali Ablayev Qırım halqları bir-birini ürmet etmek ve Qırım amanlığı oğrunda çalışmaq kerek olğanını bildirdi. Bu sene bayramğa Qırımnıñ bütün halqlarını ve Rusiye Federatsiyasınıñ bazı subyektlerinden musafirlerni davet ettiler.

Evel Qırım.Aqiqat haber etkeni kibi, Qırım ükümeti Hıdırlezge 40 biñ insannıñ qoşulması aqta ayta eken.

Qırım.Aqiqat bildirgeni kibi, Bağçasaray regional meclisiniñ toplaşuvında aprel 18-de Qırımnıñ şimdiki akimiyeti qırımtatarlarnıñ milliy bayramı Hıdırlez ile bağlı tedbirlerde iştirak etmemek qararı qabul etildi.

Qırımtatar Milliy Meclisiniñ reisi Refat Çubarov aprel 26-da aydınlatılğan muracaatında Qırım akimiyeti Hıdırlez bayramını qırımtatar halqını bölmek içün qullana, – dep aytqan edi.

XS
SM
MD
LG