Hıdırlez – bereketlik bayramı bu sene 35-40 insannı topladı. Bu aqta Qırım ükümetiniñ saytında aytıla.
«Şimdilik Hıdırlez bayramına kelgen insanlarnıñ sayısı ayrette qaldıra. Al-azırda 35-40 biñ insan. Em de olar ep kelmekteler», – dey Qırım baş nazir muavini Ruslan Balbek.
Qırım ükümetiniñ matbuat hızmeti bildirgeni kibi, bayram «Şaherezada» medeniy-eglenceli merkeziniñ meydanında keçirile (Bağçasaray rayonı, Aqmescit – Bağçasaray yolunıñ 25-nci kilometrinde).
Bu sene Hıdırlezge ilk sefer Qırımnıñ ve Rusiye Federatsiyasınıñ terkibine kirgen qardaş cumhuriyetleriniñ bütün millet vekilleri qoşuldı, denile benattа.
Qırım.Aqiqat bildirgeni kibi, Bağçasaray regional meclisiniñ toplaşuvında aprel 18-de Qırımnıñ şimdiki akimiyeti qırımtatarlarnıñ milliy bayramı Hıdırlez ile bağlı tedbirlerde iştirak etmemek qararı qabul etildi.
Qırımtatar Milliy Meclisiniñ reisi Refat Çubarov aprel 26-da aydınlatılğan muracaatında Qırım akimiyeti Hıdırlez bayramını qırımtatar halqını bölmek içün qullana, – dep aytqan edi.
Keriçte bayram munasebeti ile tantanalı tedbirlerniñ keçirilmesini lâğu ettiler.
Türkiyede qırımtatar diaspora vekilleri bu sene Hıdırlez ve Tepreç adetiу baar bayramlarını qayd etmemek qarar aldılar.
Keçken sene qırımtatarlar halqınıñ baar bayramı – Hıdırlezniñ keçirilmesi lâğu etildi.
