Qırımtatar Milliy Meclis reisi Refat Çubarov, Qırımda musulmanlarnıñ evlerinde tintüvler vaqtında Rusiye quvetçileriniñ iş usulları Şimaliy Kavkazda olğanına beñzey, dep saya.
«Bu vaziyet bizge Şimaliy Kavkazdan, anda İnguşetiya, Çeçenistan ve Dagistannı bastırğanlarından tanış. Anda FSB hadimleri bunı er kün yapa. Rusiye bugünde halqara terrorcıdır», – mayısnıñ 11-nde Qırımda FSB tarafından Özbekistan vatandaşınıñ öldürilmesini tefsir etip dedi Refat Çubarov Qırım.Aqiqatqa.
Daa o, neticesi 9 insanniñ ölümi olğan yerli sakin tarafından Qazandaki bir mektepte ateş açılması devlet siyasetiniñ aksidir, dep qayd etti.
«Qazandaki öldürüv onıñ (Rusiye – QA) toprağında oldı. Onıñ vatandaşı mektepte balalarnı öldürdi, ekinci öldürüv ise, vaqtınca işğal etilgen bizim toprağımızda oldı. FBS hadimleri bizim toprağımızda yaşağan Özbekistan vatandaşını öldürdi. Eger Rusiye öz topraqlarında ya da diger memleketlerde ukrainlerni, gürcilerni ve digerleri öldürmege devam etse, onıñ adamları öz adamlarını öldürecek. Er şey öz arasında bağlı, devletniñ yapqan em yamanlığı, em eyilligi oña mıtlaqa qayta», – dep saya Çubarov.
Mayısnıñ 11-nde saba faaller Qırımda İçki rayonınıñ Yanış Taqıl (Zavetnoye) köyünde Ayub Rahimovnıñ evinde keçirilgen tintüv aqqında bildirdi. Qırım Muhtar Cumhuriyetiniñ prokuraturası Qırımda keçirilgen tintüv ve tutuvlarnen bağlı cinaiy tahqiqat başlattı.
«Qırım birdemligi» cemaat birleşmesi Qırım.Aqiqatqa bildirgenine köre, Aqmescit civarındaki Dubki köyünde daa bir tintüv başlandı. Tahminlerge köre, anda bu saba İçki rayonı Yanış Taqıl (Zavetnoye) köyündeki evinde tahqiqat tedbirleri keçirilgen Ayub Rahimov buluna bile. Aqmescit civarındaki Dubki mikrorayonında keçirilgen tintüv vaqtında Özbekistan vatandaşı Nabi (Ayub) Rahimov öldürildi.
Qırım ve Aqyarda Rusiye Tahqiqat komitetiniñ idaresi «qanun qoruyıcı organlarnıñ hadimlerine ücüm etüvnen» şübeli sayılğan 49 yaşındaki Aqmecit sakinine qarşı cinayet davası açılğanı aqqında malümatnı tasdıqladı.
Mayısnıñ 12-nde Rusiye nezaretinde olğan İçki rayon mahkemesi, mayısnıñ 11-nde Rusiye quvetçileri tarafından atıp öldürilgen Özbekistan vatandaşı Nabi (Ayuba) Rahimovnıñ apayını Sohiba Burhanovanıñ memleketten çıqarımasına qarar berdi
Qazannıñ №175 mektebinde açılğan ateş neticesinde 11 insan elâk oldı, 9-ı bala ola, dep bildire Rusiye kütleviy haber vastaları acele hızmetlerniñ malümatına esaslanıp.
Mektepte kimligi belli olmağanlar açqan ateş aqqında kütleviy haber vastaları mayısnıñ 11-nde saba menbalarına esaslanıp bildirip başladı. «İnterfaksnıñ» menbala
