Qazannıñ №175 mektebinde açılğan ateş neticesinde 11 insan elâk oldı, 9-ı bala ola, dep bildire Rusiye kütleviy haber vastaları acele hızmetlerniñ malümatına esaslanıp, dep haber ete «Nastoyaşçeye Vremâ».
Soñki malümatqa köre, ücüm etken eki kişi bar edi, biri yaqalandı, ekincisi öldürildi, dep haber ete TASS.
Alise yerine acele hızmetler kele. İnsanlar pencerelerden tahliye etile.
№175 mektebi Caudat fayzi soqağında yerleşe. Oquv yurtunıñ saytındaki malümatqa köre, mektepte biñden çoq talebe oquy, 57 oca çalışa. Mektep 2006 senesi açılğan edi.
Şimdi oquv yurtu yanında tahminen 20 «acele yardım» maşinası nevbetçilik yapa.
Mektepte kimligi belli olmağanlar açqan ateş aqqında kütleviy haber vastaları mayısnıñ 11-nde saba menbalarına esaslanıp bildirip başladı. «İnterfaksnıñ» menbalarına esaslanıp bildirgenine köre, genç mektepke silânen kelip, sınıfdaşlarına ateş açtı. Lukin bu malümat resmiy şekilde tasdıqlanmay.
