Link açıqlığı

Saatnıñ esas haberi

BLOGLAR

Cumaertesi 20 iyül 2019

Calendar
yanvar fevral mart aprel may iyün iyül avgust sentâbr oktâbr noyabr dekabr
iyül 2019
Bzt Sal Çrş Cmq Cum Cmt Baz
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
Keriçte Dağıstannıñ Akuşin rayonınen qardaşlıq munasebetleri aqqında añlaşma imzalandı, 2017 yıl, may

Ukraina Keriçiniñ çoqtan-çoq qardaş şeeri bar edi. Memurlar bundan ne fayda körgeni belli: resmiy ziyaret sıfatında sabıq mer ve yaqınları qayda tek barmadı. Amma adiy keriçliler içün bütün bu dostluq munasebetleriniñ iç bir emiyeti olmadı.

Qardaşlar sırasında birinci olğân Belarus şeeri Mogilöv şirketleriniñ mahsulatınen tükânnı keriçliler öyle de körmedi. Qırımnıñ Qurman rayonı ve Kubandaki Temrük şeerlerinen de qardaşlıq tizilgen edi, amma andaq erzaq mallarnı da keriçliler öz arqasında parom ve poyezdlernen taşıdı. Moskova vilâyetiniñ Odintsovo şeerinen dostluq munasebetlerini keriçliler, anda merniñ mal-mülkü olğanınen añlata edi, Oröl şeerinen - aynı şu şeer başı içün kandidatlıq ve doktorlıq dissertatsiyalarını yazğan oca yaşağan yerinen. Amma nesi bar, dost Novorossiysk, Keriç skverleriniñ birisinde qaldırım taşında qayd etilgen edi, onıñ sabıq meri ise, azbar hızmetçilerine qolaylıq ketirgen tar çapanı begenip, öz şeerine de öyle soyunı alğanınen keriçlilerniñ hatırasında qaldı.

Keriçte Tula bağışlağan “Qaramanlardan qaramanlarğa” yazısınen çöplük taşığan maşna yüre

İşğalden soñ qarlaşlıq añlaşmaları biri biriniñ artından tizilip başladı. Smolensk ve Tulanen añlayışlı - bu qaraman şeerleri. Keriçte atta Tula bağışlağan “Qaramanlardan qaramanlarğa” yazısınen çöplük taşığan maşna yüre. Amma aynı şu vilâyetten kerçek Tula prânikleri ve Belöv pastilasına men tek bir kere rastkeldim, daa 2014 yılı nasıldır yarmalıqta körgen edim. Başqa qardaşlardan adiy keriçli içün daa az fayda bar, amma memurlar ve olarğa yaqın olğan veteranlar dost-qardaş şeerlerine çoq bara, mıtlaq da askeriy bayramlarına.

Sıcaq tüşkeninden soñ Keriçke kelmek ise asıl yahşı adet oldı. Kelgenlerniñ birincilerinden Yakutiya cemaatçıları oldı, olar “Qırım - Lenskiy dostluq köpürleri” aktsiyasını da uydurdı. Amma kerçekni aytacaq olsaq, şu Lenskiy köprü daa qurulmadı ve qurulacaqmı aslı - belli degil, amma bedava sıcaq ülkelerge barmağa avesliler içün böyle sebep de keçer. Ne ise. Elli derecedeki suvuqta buzlap, Qırım köpründe kezinmek ve Keriş şeer şurasında tasırdamaq içün Keriçke kelgen musafirlernen elbette ki, yaqınlaşma olacaq. Em de olar, adet olğanı kibi ebet, turğun iqtisadiy bağ ve iş munasebetleriniñ perspektivalarını muzakere ete edi. Endi yedek olsun dep Keriç yalısında sığınlar içün yagel qurutmağa kârlı olacaqtır. Amma, keriçliler aytqanı kibi, delikates satqan “Dar Severa” tükânını qardaşlıqsız açtılar, sadece biznes degen kibi.

Halqara Yalta iqtisadiyat forumından soñ ise Keriçniñ ayıp bir dost-qardaşı peyda oldı. Tshinval şeeri - tanılmağan Cenübiy Osetiyanıñ paytahtı

Köpürden Piter baykerleri de kezindi, sıranıñ başında Leningrad vilâyetiniñ gubernatorı kete edi. Mında, ebet, başlıqlarnıñ tasırdısı ve olmaycaq muqavelelerniñ imzalaması olmazdan bitmez edi. Em de büyük, belli Piterge nasıldır uzaq Keriç ne kerektir, mında atta raatlanmaq içün kelmege saqınasın. Halqara Yalta iqtisadiyat forumından soñ (böyle ad tedbir büyük körünsin dep berildi, ğaliba) ise Keriçniñ ayıp bir dost-qardaşı peyda oldı. Tshinval şeeri - tanılmağan Cenübiy Osetiyanıñ paytahtı. İşğal etilgen Qırımda, başqa yerde istenilmegenlernen dostlaşmağa mot oldı. Bu - Keriçten aman-aman on kere küçük olğan şeerçik, onıñ iqtisadiyatı bazar ve ağaç kesmekte tutula, şimdi ise o, siyasiy saada sekirip, Keriçke yetken. Keriçniñ sanayısı ise alâ daa paytahttan ögdedir, amma şimdi halqara uquqını ürmet etmegenlernen kimse iş tutmağanı içün, şeer böyle dost-qardaşlarğa, böyle alğa qaldı.

Añlayışlı ki, qardaşlıq bağları - halqara siyasetniñ parçası, özcesine halq diplomatiyası. Amma Qırım işğali şaraitinde o sadedil, ahmaqça, ve kimerde külkünçli körüne. 2015 yılı sentâbrde “Çerkio” Qırım italyanlarınıñ cemiyeti” yerli teşkilâtta Putin ve Berluskoninen körüşüvi büyük debdebenen aşkâr etildi. Oña büyük ümüt beslediler, çünki Qırımdan sürgün etilgen etnik italyanlar, Rusiye prezidentiniñ sürgün etilgen halqlar aqqında resmiy fermanında añılmağan. Demek, bu halqqa iç bir imtiyaz ve aq berilmeycek ve sürgün etilgenlerniñ evlerinde kvartiralar ayırılmaycaq. Putin fermanğan deñiştirmelerni kirsetmege söz bergen edi, sürgün etilgen italyanlarnıñ bala-torunları alâ daa beklemekteler.

Bütün işbirlik, italyan tamırları olğan bir qaç keriçliniñ Dante Aligyeri universitetinde üç aylıq oquşınen bitti

Keriç italyanlarınıñ cemiyeti özlerini Rusiye keşfi dep kösterse de, olar daa ukrain Qırım vaqıtlarından barlar, em de bunı tek Keriçte degil, İtaliyada da yahşı bileler. Di Reco Kalabriya eyaletinden italyanlar, 2014 senesi Qırımğa kelgen birinci ve yekâne çetel adamları oldı. Sanktsiyalarda qorqmayıp, olar Keriçnen dostluq ve işbirlik muqavelesini tizdi, em de Qırımda sadece italyan medeniyetine qoltutuv degil de, daa nasıldir işhaneler ve restoranlar açılması aqqında laf yürsete ediler. Olarnıñ kelgeninden büyük bir tedbir yapıldı, amma neticede, tabi ki, er şey boş laf olıp çıqtı. Bütün işbirlik, italyan tamırları olğan bir qaç keriçliniñ Dante Aligyeri universitetinde üç aylıq oquşınen bitti.

Ateşli Avropa yigitleri alâ daa ara-sıra Keriçke kele. De Danimarka sakinleri futbol çempionatına ketkende köpürden kezinmek içün kirgen, de italyan jurnalisti - köpürden de kezindi, vatanperver arbiy konferentsiyanı da ziyaret etti. De Anapada tatilini keçirgen “Liga Severa” deputatı Keriçke bir ayaq kirip çıqtı.

2014 yılı Kuban sakini aytıp bergenine köre, olardan keriçlilerge yardım etmek icün aqça cıya ediler

Keriçke böyle dostluqtan iç bir fayda yoq. Tek 2014 yılı Kuban sakini aytıp bergenine köre, olardan keriçlilerge yardım etmek icün aqça cıya ediler, o parağa soñ veteranlarğa yorğan, yastıq, yataq çamaşırı alınğan edi. Amma bu bahşışlar tez bitken edi ve Krasnodar ülkesiniñ Temrük rayonınen qardaşlıqnın bir faydası olmadı.

Eyecanlandırıcı resim beklemizñiz, olar olmaycaq - nudistler yoq. Yani olarnı bir elniñ parmaqlarında saymaq mümkün. Ve sıfatları öyle ki, olarnı körmeseñiz yahşı.

Amma başından başlayıq. Biz Qoz (Solneçnaya Dolina) köyünden deñiz yanınace ketemiz. Yerli jargonda oña deyler - Solidoldan Kırpırğace.

İç şübelenmeñiz: Qoz köyüniñ ad yazısını kimse deñiştirmedi.

Ekinci cian cenkinde elâk olğanlarğa qoyulğan abide yañı. Köy küçüciktir, men bellesem, o vaqıtları eki adamdan biri telef olğan edi. Şimdi köyniñ adı Solneçnaya Dolina, amma evel o Qoz edi ve mında tek qırımtatarlar yaşay edi. İşte, bunı taşta da körmek mümkün.

Ve, elbet, Qoz köyüniñ şarap yapqan zavodını süretke çıqarmamaq mümkün degil. Mence o tatlıcaraq, amma pek meşur. Zavodnıñ özü anda, qayalarda, ve çalışa. Qaya tübünde qazılğan mağazlarda ise o demlene.

İşte, daa sadece beş kilometr - ve biz deñiz yanında. Bu Qara Töbe qasabası. Plâjda sigaret içüv yerine rastkelmek oşlu.

Bundan soñ yolumız dağlarnıñ yanından yalı boyu keçe. Kimerde qışta tüşken taşlarnı aylanmaq içün, suvdan keçmek kerek. Amma pek dülber. Ve kimsesizlik.

Amma, birevniñ, ğaliba, siñirleri dayanmadı, bu tahtalı sofrada pıçaqnen yapılğan yazıdan körüne.

Daa bir-bir yarım saat - ve yolnıñ eñ qıyın qısmı arqada olacaq. Ketmege qıyıncaraq - taşlar, qum…

Taşlarda kesertki çoq. Kelip keçken turistler, bu yıl yılan çoq, dep ayta ediler, amma daa bir danesinerastkelmedim - tek kesertkiler.

Bu ise belli kino şeeri. Onı 2004 yılı “Tiri balıq” (“Jivaya rıba”) filmini çıqarğanda qurdılar. Filmniñ oynatuvı öyle de olmadı. Qırım yalısında ise güzel qalıntılar qaldı, on daneden çoq, - ve e, olar alâ daa dağılıp tura.

Budır ise Eçki Dağnıñ (Lisya buhta) başı. Amma, ğaliba, mında birevler bütün yıl devamında yaşay. Sağ taraftan - Gonduras (Eçki Dağnıñ başında turğan bir top çadırlarğa öyle deyler), ondan soñ Yamayka - o biraz kenarda qala. Adlar eski, olar 15-20 yıl evel mında peyda oldı.

Amma şimdi mında adam az demezsiñ, olar deyerli yoq. Biraz uzaqça canları sıqılğan ayaqçılarnen 3-4 kafe bar: olar mevsimni bekledi. Sıcaq, oba-oba turist-nudist kelmek kerek - amma, mına saña kimse yoq.

Daa 5-7 kilometr keçsek, ögde deñiz yalısı körünecek. Amma anda yetmek içün töpeden tüşken taşlarnıñ arasından keçmek kerek olacaq (em de töpege baqıp, mıqayt olmaq - daa bir taşçıqnıñ tüşmek niyeti yoqtırmı dep, olar ise soqaqnı bozıp, er qış bunı yapa).

От Солнечной долины путь занимает часов пять. Но проделать его стоит.

Qoz köyünden mındace beş saatlıq yol. Amma bunı iç olmağandan bir kere yapmaq kerek.

Armen Haçaturov, Kefeden bloger (müellifniñ adı ve soyadı telükesizlik maqsadınen deñiştirildi)

«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Daa yüklemek

XS
SM
MD
LG