Noyabrniñ 27-nde, saba Aqmescitte bu sene birinci qar yağdı. Tışarıda avanıñ arareti sıfırdan aşağı 3 derecege qadar tüşti, bu sebepten qar irimedi.
Sentâbr 29 künü Aqmescit rayonınıñ Fontanı qasabasında yol qazasında elâk olğan 37 yaşlı Asiye Salimova ve 16 yaşında qızı Aliyeniñ cenazesi ötkerildi. Merhumlarnı «Abdal» şeer qabristanında defn ettiler.
Sentâbrniñ 16-nda salı künü Meclis binasını er taraftan arbiyy urbada silâlı, maskalı şahıslar ve «politsiya hadimleri» sarıp aldılar. Bina yanında avtozak buluna. Binanıñ yanına bir kimseni qoymaylar. Politsiya hadimleri toplaşqanlarnı «qanunsız yerde toplanğanları içün» yaqalavnen qorquzalar.
Ayder İsmailov: «Allahqa Ukrainanıñ cenüp-şarqındaki cenkni toqtatması, qan tökülmesi, ağa-qardaşnıñ öldürüvine yol bermemesi içün dua etildi».
