Sentâbrniñ 16-nda salı künü Meclis binasını er taraftan arbiyy urbada silâlı, maskalı şahıslar ve «politsiya hadimleri» sarıp aldılar. Bina yanında avtozak buluna. Binanıñ yanına bir kimseni qoymaylar. Politsiya hadimleri toplaşqanlarnı «qanunsız yerde toplanğanları içün» yaqalavnen qorquzalar.
Meclis binasını rusiyeli qoruyıcı organlarınıñ vekilleri sarıp aldılar
1
Meclis binası yanında silâlı maskalı şahıslar buluna
2
İçerige iç bir kimseni qoymaylar
3
Kün evelden, sentâbr 15 künü, Meclis binasına ücüm yapılğan edi.
4
"Politsiya" hadimleri vaziyetni izaat etip olamaylar ve Taqiqat komiteti, FHH-ne muracaat etmege tevsiye eteler.
5
Tahminlerge köre, Meclis binasında yasaqlanğan islam kitaplarnı qıdırıp, vesiqalarnı tahliye eteler.
6
ATR qırımtatar telekanılınıñ mühbirini politsiya hadimleri Meclis binasından çetke alıp keteler
7
"Politsiya" hadimleri kelgenlerni "qanunsız yerde toplaşqanları içün" yaqalavnen qorquzalar
8
Bunen beraber, "politsiya" hadimleri mühbirlerni quvıp, ketmegen alda, yaqalamağa vade ettiler
9
Qırımatarlarnıñ fikirince, Meclisteki tintüv - provokatsiyadır
10
Yoldan keçip-ketkenler, bu qadar ufaq binanı o qadar "politsiya" hadimi sarıp alğanına şaşıp qalalar.