Rusiye prezidenti Vladimir Putin, koronavirus infektsiyanıñ tarqalmasınen küreşmek içün Rusiye devlet şurasınıñ iş gruppasınıñ teşkil etilmesi aqqında buyruqnı imzaladı. Onı Moskova reberi Sergey Sobânin baş etecek, haber ete "Nastioyaşçeye vremâ".
İş gruppasına baş nazirniñ müavinleri, nazirler ve müessise ve nazirliklerniñ hadimleri kirdi.
Soñki malümatqa köre, umumen memlekette 64 COVID-19 adisesi qayd etildi: olardan 60-ı - rusiyeliler, bir italyan ve eki Qıtay vatandaşı.
Daa evel haber etilgeni kibi, Rusiye Belarus ile sıñrında adamlarnıñ keçişinu qapatacaq ola.
Yer sıñırlarından keçişten ğayrı, Rusiye martnıñ 16-sından başlap Avropa Birligi memleketlerine, İşveçre ve Norvegiyağa uçuşlarnı toqtattı. Ava şirketleri yalıñız Şeremetyevo ava limanından ve yalıñı AB memleketleriniñ paytahtlarına uça bile.
Daa evel haber etilgeni kibi, Rusiyede üç yañı COVID-19 koronavirus adisesi qayd etildi. Operativ ştatınıñ malümatına köre, koronavirus Belgorod, Kaliningrad ve Moskova vilâyetleriniñ sakinlerinde tapıldı.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
Your browser doesn’t support HTML5
Коронавирус – мифы и факты. Все, что нужно знать (видео)