Rusiye Belarus ile sıñrında adamlarnıñ keçişinu qapatacaq, bunı martnıñ 16-sında Rusiye baş naziri Mihail Mişustin haber etti. Oña TASS agentligi atıf ete, dep bildire Azatlıq Radiosı.
Beyanatta, bu yasaq qaysı künden başlaycağı bildirilmey.
"Biz Belarus ile sıñırnıñ qapatılması aqqında da qarar aldıq, bir sıra qoşma tebdirlerni azırladıq. İleride de memleketimizniñ bu yañı telükeden qorçalaması içün bütün kerekli şeylerni yapacaqmı", - dedi Mişustin.
Belarus, Rusiyeniñ 16 qomşu memleketinden 12-nci qapalı memleket oldı. Şimdilik Finlândiya ve Azerbaycan açıqlar.
Yer sıñırlarından keçişten ğayrı, Rusiye martnıñ 16-sından başlap Avropa Birligi memleketlerine, İşveçre ve Norvegiyağa uçuşlarnı toqtattı. Ava şirketleri yalıñız Şeremetyevo ava limanından ve yalıñı AB memleketleriniñ paytahtlarına uça bile.
Daa evel haber etilgeni kibi, Rusiyede üç yañı COVID-19 koronavirus adisesi qayd etildi. Operativ ştatınıñ malümatına köre, koronavirus Belgorod, Kaliningrad ve Moskova vilâyetleriniñ sakinlerinde tapıldı.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
