Qırım gazetaları yarımadada koronavirus infektsiyasınen bağlı mevzularnıñ aydınlatmasını devam etmekte.
"Qırım gazetası" ("Krımskaya gazeta") özüni izolâtsiya etüv rejimi bitken soñ turizmnen ne olacağını tasvirley.
Koronavirus pandemiyası Qırımnıñ turizm biznesine pek urdı"Qırım gazetası"
"Koronavirus pandemiyası Qırımnıñ turizm biznesine pek urdı. Saa, sıñırlav tedbrilerniñ toqtatılmasından 2-3 yıl soñra, devlet destegi olsa tüzleştirilecek", - yaza matbuat.
"Şubesiz, koronavirus vaziyeti yalıñız yüksek mevsimniñ teşkil etüvi ve keçirilmesine degil, amma küz ve qış devrine de büyuk deñişmeler kirsetecek - bu artıq aydındır", - saya İqtisadiyat ve İdare İnstitutınıñ müdiri Viktor Reutiv.
Umumiy iqtisadiy vaziyetke köre raatlıq müddeti bayağı azlaşacaq. Turistlerniñ çoqusı eki aftalıq tatil yerine raatlıq kün ziyaretini saylacaq. Onıñ içün tur operatorları ve otelciler şimdiden vaziyetniñ denişmesine közde tutıp, yañı bazar tekliflerini azırlamalı.
Your browser doesn’t support HTML5
Отели в Крыму штрафуют за туристов | Крым.Реалии ТВ (видео)
"Komsomol aqiqatı. Qırım" ("Komsomolskaya pravda. Krım") gazetası "Yalıñız faktlar: Qırım memurlarınıñ ifadeleri aqiqattan nasıl farqlana" maqalesinde yarımadanıñ yüksek rütbeli memurlarınıñ ifadelerinde uyğunsızlıqlar aqqında yaza.
Qırım başınıñ içtimaiy ağlardaki saifeleri halq iddetinden boğula"Komsomol aqiqatı. Qırım"
"Qırım başınıñ içtimaiy ağlardaki saifeleri halq iddetinden boğula. Operativ ştabda memurlarnıñ qandırmalarına baqmadan, imtiyazlılarğa vade etilgen ödevler yapılmadı, idare şirketleri mesken fondunıñ sanitar işletilmesini yapmay, banklarda ise şirketlerge artıq kredit bermekniñ toqtatuv cedvelleri bar". "Adamlardan çoq muracaat bar, - dedi operativ ştabınıñ oturuşuvında bölge reberi Sergey Aksönov. - Epiñiz mında yalancı ve pezevenksiñiz dep aqaretlerden başlaylar. Ancaq aqaretlerge alıştıq, şimdi akimiyet organlarını aqaretlemege adet oldı. Amma rica etem ki, er kes yalan ayta dep yazğanda, konkret faktlarnıkösteriñiz", - denile maqalede.
Neşir faktlardan birisini köstere: Qırım ükümetiniñ baş naziriniñ müavini Yelena Romanovskaya, Qırım imtiyazlıları mayıs ödevlerini daa aprelden alırlar dep aytqan edi. Aynıñ soñki kününde memur, imtiyazlılarnıñ bank esaplarına ve yaşağan yerlerindeki poçta bölüklerine 700 millionğa yaqın ruble yollanılğanı aqqında esabat berdi. Yani, Qırım akimiyet öz sözüni tuta. Kerçekten ise bank müessiseleri üylege qadar para yibermesinen oğraştı, poçta bölüklerinde ise aqçanı sadece mayıs bayramlarından soñ almağa mümkün olacaq.
"Belki de bir yerge bu aqça kelgendir, amma bizde yoq, ve olsa da, mayıs bayramlarından soñ olacaq, - añlattılar Aqmescitniñ №43 poçta bölüginde. - Ne bölge, ne federal ödevleri yoq". Qırım Emek Nazirliginde vaziyetni böylece añlattılar: "Poçta Krıma" müessisesine para berildi. Bunıñnen nazirlikniñ selâhiyetleri bite.
"Komsomol aqiqatı. Aqyar" ("Komsomolskaya pravda. Sevastopol") "Bolşaya Morskaya soqağını körmek ve ölmemek!" maqalesinde, Aqyar sakinleri sağlıqlarını telüke astına qoyıp, merkeziy baş soqağınıñ rekonstruktsiyasını baqqanları aqqında haber ete.
Bir taraftan, qaidelerni bozalar. Başqa taraftan - añlamaq mümkün, yañartılğan Bolşaya Morskayağa baqmağa pek meraqlıdır"Komsomol aqiqatı. Aqyar"
"Mayısnıñ 1-inde Bolşaya Morskaya soqağında içtimaiy naqliyat yürüşi açıldı. Ancaq maşna ve patapatlardan ğayrı, mında piyadeler de keldi. Mayıs bayramları şaşlıqsız qaldı, iç olmadım Bolşaya Morskayada kezinti olsun. Aqyarlılarnıñ çoqu böyle tüşündi, ğaliba. Raatlıq künlerinde qaraman şeeriniñ merkezinde bayağı adam oldı. Ebet, evelleri kibi degil. Amma izolâtsiya rejimini köz ögüne alsañ, ziyadece körüne. Bir taraftan, qaidelerni bozalar. Başqa taraftan - añlamaq mümkün, yañartılğan Bolşaya Morskayağa baqmağa pek meraqlıdır. Uşakov meydanında "Ukraina" musafirhanesi yanında boş gamak ve salıncaqlar qalmadı. Skemlelerde yaşlar yerleşti. Patruller körünmedi. Tınç, raat, dülber. Raatlanıp, yüzüni küneşke qoymaqnıñ ve er şeyni unutmaqnıñ vaqtı keldi. Mında er kes öyle de yaptı dep körüne. Amma tınçlıq ve raatlıq er yerde degil edi. Biraz uzaqça - Bolşaya Morskayada, "Ogonök" tükânınıñ yanında iş qaynay edi. Bayramlarğa baqmadan, iş urbasında aqay plitka parçalarını pıçıp otura edi. Dülberlikni tamamlamaq kerek de!", - yaza matbuat.
"Bolşaya Morskayağa kezinmege çıqqan bir qaç çiftni kördik. Ne içün ve nege - episi cevaplanmay edi. Çoquları olarğa poliske şikâyet eterler ve cöreme bererler dep qorqa edi. Amma lafqa avesliler de bar edi. - Oy, er şeyni pek begendik! Moskovadan keldik, amma siz qorqmañız, daa martta keldik, bütün karantinlerni oturıp çıqtıq. Mında Öçakovtsev soqağında kvartiramız bar, ekimiz de internetten çalışıp olamız, onıñ içünküneşli musafirçen Aqyarğa qaçıp keldik", - yaza gazeta.
Maqalede ilhaq etilgen yarımadada qullanılğan ıstılaat işletile