Mayısnıñ 12-nde Rusiye nezaretinde olğan İçki rayon mahkemesi, mayısnıñ 11-nde Rusiye quvetçileri tarafından atıp öldürilgen Özbekistan vatandaşı Nabi (Ayuba) Rahimovnıñ apayını Sohiba Burhanovanıñ memleketten çıqarımasına qarar berdi, dep haber ete «Qırım birdemligi».
«Mahkeme 2000 ruble miqadarında memuriy cöreme tayin etti ve Rusiye İİN çetel vatandaşlari içün muvaqqat tutuv merkezine yerleştirilmenen Sohiba Burhanovanıñ Rusiye Federatsiyasından memuriy çıqarılması aqqında qarar çıqardı. Spetsnaz hadimleri zalğa kirdi», – dep haber eteler faaller.
Burhanovanıñ çağına yetmegen balalarına kelgende, mahkeme, er istegen kerekli organlarğa muracaat etip, vasiylik ete bile, ya da balalar büyüklerniñ refaqatında Özbekistan Cumhuriyetine kete bile, dep qarar çıqardı.
Faallerniñ malümatına köre, qadı angi künge aqayınıñ cenazesi tayin etilgenini sorağan. Bundan ğayrı Sohiba ve öldürilgen Rahimov arasında evlilik şeadetnamesini istegen.
«Sohibanıñ pasportından evlilik aqqında qayd bar, amma özbek tilinde yazılğanı sebebinden qadı onı oqup olamay», – haber ettiler birleşmede.
Faallerniñ malümatına köre, Sohibanı mahkeme zalından alıp ketkenler.
Advokat Siyar Paniç «Qırım birdemligine» quvetçiler tarafından öldürilgen Ayub Rahimovnıñ cesedi ekspertiza içün mütehassıslarda qalacağanı bildirdi. Tahqiqatçı ölgenniñ cesedi 2-3 künden soñ berilecegini aytqan.
«Adetince böyle protsedura bir künde yapıla, amma yüz bergen vaqialarnı köz ögüne alıp, ziyade vaqıt kerek olur», – dedi advokat.
Your browser doesn’t support HTML5
«Это уже пик репрессий в Крыму»: суд над Сохибой Бурхановой
Sohiba Burhanova, çetel vatandaş ya da vatandaşlıqsız şahıs tarafından Rusiyege kirüv ya da anda bulunuv rejimi qaidelerini bozğanınen qabaatlana.
Qırımda İçki qasabasında mayısnıñ 12-nde Sohiba Burhanova üzerinde mahkeme başlandı. Mahkeme binası yanında bir qaç yüz insantoplandı.
SEE ALSO: «Bu ilk oldı»Evel, Refat Çubarov ve Lutfiye Zudiyevanıñ malümatına köre, Rahimovnıñ ömür arqadaşı Sahiba Burhanova ve 15 yaşında oğullarını alâ daa tapıp olamaylar.
«Qomşular ve köydeşler politsiyağa ömür arqadaşı ve 15 yaşında oğulları ğayıp olğanına dair arizalar bere», – dep qayd etti Zudiyeva.
Qırım Muhtar Cumhuriyetiniñ prokuraturası Qırımda keçirilgen tintüv ve tutuvlarnen bağlı cinaiy tahqiqat başlattı.
Mayısnıñ 11-nde saba faaller Qırımda İçki rayonınıñ Yanış Taqıl (Zavetnoye) köyünde Ayub Rahimovnıñ evinde keçirilgen tintüv aqqında bildirdi.
«Qırım birdemligi» cemaat birleşmesi Qırım.Aqiqatqa bildirgenine köre, Aqmescit civarındaki Dubki köyünde daa bir tintüv başlandı. Tahminlerge köre, anda bu saba İçki rayonı Yanış Taqıl (Zavetnoye) köyündeki evinde tahqiqat tedbirleri keçirilgenAyub Rahimov buluna bile.
İçki rayonındaki Rusiye İç işler nazirligi bölüginiñ migratsiya meseleleri bölügine alıp ketirilgen Sahiba Burhanovanıñ oğlu 15 yaşında Taqyuddin Yanış Taqıldaki evlerinde tedbirler yekünlendi, dep bildirdi.
Aqmescit civarındaki Dubki mikrorayonında keçirilgen tintüv vaqtında Özbekistan vatandaşı Nabi (Ayub) Rahimov öldürildi.
Qırım ve Aqyarda Rusiye Tahqiqat komitetiniñ idaresi «qanun qoruyıcı organlarnıñ hadimlerine ücüm etüvnen» şübeli sayılğan 49 yaşındaki Aqmecit sakinine qarşı cinayet davası açılğanı aqqında malümatnı tasdıqladı.
Qırımlı jurnalist ve faallerniñ evlerinde keçirilgen tintüvler
2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.