Link açıqlığı

Saatnıñ esas haberi

Qırımda öldürilgen Özbekistan vatandaşınıñ apayınıñ üzerinde mahkeme başlandı (+foto)


Sohiba Burhanova
Sohiba Burhanova

Qırımda İçki qasabasında mayısnıñ 11-nde quveçiler tarafından atıp öldürilgen Özbekistan vatandaşı Nabi (Ayub) Rahimovnıñ ömür arqadaşı Sohiba Burhanova üzerinde mahkeme başlandı. Mahkeme binası yanında bir qaç yüz insan toplandı. Bunı Qırım.Aqiqatqa «Qırım birdemligi» cemaat birleşmesi haber etti. ​

Fallerniñ malümatına köre, Rusiye quvetçileri mahkemeden evel Burhanovanıñ evine «onı mahkemege ozğarmaq içün» kelgenler, lâkin o, red etken. Bundan ğayrı qadınğan nenen qabaatlanılğanını da aytmağanlar.

«Sohiba Burhanova, qanun qoruyıcı organlarnıñ hadimine suiqast etüv aqqındaki Rusiye Ceza qanunnamesiniñ 317 madesine binaen açılğan dava böyünca şaat olaraq sorğuğa çekilgen. Şimdi qadınğa qarşı belli olmağan sebepten memuriy dava açılğan, o mahkemededir», – dep haber ettiler birleşmede.

Evel, Refat Çubarov ve Lutfiye Zudiyevanıñ malümatına köre, Rahimovnıñ ömür arqadaşı Sahiba Burhanova ve 15 yaşında oğullarını alâ daa tapıp olamaylar.

«Qomşular ve köydeşler politsiyağa ömür arqadaşı ve 15 yaşında oğulları ğayıp olğanına dair arizalar bere», – dep qayd etti Zudiyeva.

Qırım Muhtar Cumhuriyetiniñ prokuraturası Qırımda keçirilgen tintüv ve tutuvlarnen bağlı cinaiy tahqiqat başlattı.

Mayısnıñ 11-nde saba faaller Qırımda İçki rayonınıñ Yanış Taqıl (Zavetnoye) köyünde Ayub Rahimovnıñ evinde keçirilgen tintüv aqqında bildirdi.

«Qırım birdemligi» cemaat birleşmesi Qırım.Aqiqatqa bildirgenine köre, Aqmescit civarındaki Dubki köyünde daa bir tintüv başlandı. Tahminlerge köre, anda bu saba İçki rayonı Yanış Taqıl (Zavetnoye) köyündeki evinde tahqiqat tedbirleri keçirilgenAyub Rahimov buluna bile.

İçki rayonındaki Rusiye İç işler nazirligi bölüginiñ migratsiya meseleleri bölügine alıp ketirilgen Sahiba Burhanovanıñ oğlu 15 yaşında Taqyuddin Yanış Taqıldaki evlerinde tedbirler yekünlendi, dep bildirdi.

Aqmescit civarındaki Dubki mikrorayonında keçirilgen tintüv vaqtında Özbekistan vatandaşı Nabi (Ayub) Rahimov öldürildi.

Qırım ve Aqyarda Rusiye Tahqiqat komitetiniñ idaresi «qanun qoruyıcı organlarnıñ hadimlerine ücüm etüvnen» şübeli sayılğan 49 yaşındaki Aqmecit sakinine qarşı cinayet davası açılğanı aqqında malümatnı tasdıqladı.

Şübeliniñ adı, soyadı ve vaqianıñ diger tafsilâtları belli degil.

Qırımlı jurnalist ve faallerniñ evlerinde keçirilgen tintüvler

2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.

XS
SM
MD
LG