Aqmescitte maşna yolda qadın ve balanı urdı, politsiya teşkerüvni keçire, dep noyabr 25-inde Rusiye İçki İşler Nazirliginiñ Qırım idaresiniñ matbuat hızmeti bildire.
Müessise malümatına köre, "GAZ 330210" maşnasınıñ aydavcısı, Şmidta soqağı tarafından Mokrousova soqağı yönelişinde Kiyevskaya soqağından ketip, eki yolcunı bastı. Olar, yolnı piyade keçitinden tış yolnı keçken 7 yaşındaki qızçıq ve 62 yaşındaki qadın edi.
"Qazada zarar körgen adamlarnı hastahanege qoydılar. Yol qazasınen bağlı teşkerüv yapıla, onıñ neticesinde bir usul qararı çıqarılacaq", - dep qayd ettiler İİN-nde.
Bazar künü Qurman rayonında yol qazasında üç adam yaralandı.
Yalta-Aqyar yolunda noyabrniñ 19-ında aqşam yol qazası oldı. Rusiye FVN-niñ Qırım idaresiniñ matbuat hızmeti bildirgeni kibi, "Moskviç" maşnası kiyik domuznı urğanından soñ, avdarıldı.
"Tavrida" trassasında noyabr 17-sinde İslâm Terek rayonınıñ Oy Quyu (Vladislavovka) köyü nde yol qazası oldı, bir adam elâk oldı, daa birisi yaralandı.