Link açıqlığı

Saatnıñ esas haberi

"Tavrida"da yol qazası: bir adam elâk oldı, daa birisi - hastahanede


"Tavrida" trassasında moyabr 17-sinde İslâm Terek rayonınıñ Oy Quyu (Vladislavovka) köyü nde yol qazası oldı, bir adam elâk oldı, daa birisi yaralandı.

Bunı, Rusiye nezaretindeki Qırım FVN-niñ matbuat hızmeti haber ete.

Malümatqa köre, yolda üç maşna uruştı: Range Rover, Daewoo Nexia ve «MAZ».

Müessise haber etkeni kibi, qaza neticesinde Daewoo Nexia maşnasının aydavcısı ve yolcusı qıyışqan maşna içinde qısıldı.

"Qurtarıcılar qazağa oğrağan adamlarnı maşnadan çıqardı. Aydavcını ağır alda Kefe şeer hastahanesine alıp kettiler. Yazıq ki, amma yolcu o yerde elâk oldı", - dep haber etti FVN-niñ başı Sergey Şahov.

Noyabr 12-sinde Kefede tayin etilmegen yerde yolnı keçken piyade yol qazasında elâk oldı.

Daa evel bazar künü gece Kefede (Feodosiya) yol qazasında dört adam yaralandı, olardan ekisi - bala.

Noyabr 4-ünde Aqmescit rayonınıñ Azat (Storojevoye) köyü yanında yol qazasında Peugeot 406 maşnasınıñ yolcusı elâk oldı.

XS
SM
MD
LG