Qırımda noyabr 12-sinde eki piyade elâk oldı, dep bildire Rusiye İİN-niñ Qırım idaresi.
Müessisege köre, Kefede tayin etilmegen yerde yolnı keçken piyade yol qazasında elâk oldı. Kene şu künü Aqmescit rayonında "Chevrolet" maşnasınıñ aydavcısı, yolnı keçken piyadeni urdı.
Rusiye polisi, öldürici yol qazalar sebebinden teşkerüvlerni keçire.
Daa evel bazar künü gece Kefede (Feodosiya) yol qazasında dört adam yaralandı, olardan ekisi - bala.
Noyabr 4-ünde Aqmescit rayonınıñ Azat (Storojevoye) köyü yanında yol qazasında Peugeot 406 maşnasınıñ yolcusı elâk oldı.
