Yalta-Aqyar yolunda noyabrniñ 19-ında aqşam yol qazası oldı. Rusiye FVN-niñ Qırım idaresiniñ matbuat hızmeti bildirgeni kibi, "Moskviç" maşnası kiyik domuznı urğanından soñ, avdarıldı.
Müessise malümatına köre, eki adam yaralandı.
"Qırım qurtarıcıları yaralanğan adamlarnı acele yardım maşnasına oturtıp, hastahanege qoymaq içün yolladılar", - denile beyanatta.
"Tavrida" trassasında moyabr 17-sinde İslâm Terek rayonınıñ Oy Quyu (Vladislavovka) köyü nde yol qazası oldı, bir adam elâk oldı, daa birisi yaralandı.
Noyabr 12-sinde Kefede tayin etilmegen yerde yolnı keçken piyade yol qazasında elâk oldı.
Daa evel bazar künü gece Kefede (Feodosiya) yol qazasında dört adam yaralandı, olardan ekisi - bala.
