Bazar künü Qurman rayonında yol qazasında üç adam yaralandı. Bunı, Rusiye İçki İşler Nazirliginiñ Qırım idaresiniñ matbuat hızmeti bildire.
Müessisege köre, "KİA" maşnasınıñ aydavcısı telükesiz süratnı aştı ve qarşı yolaqtan kelgen "VAZ" maşnasına uruldı.
Yol qazasında "KİA"nıñ aydavcısı ve "VAZ"nıñ aydavcısı ile yolcusı yaralandı.
"Qazada zarar körgen adamlarnı hastahanege qoydılar. Yol qazasınen bağlı teşkerüv yapıla, onıñ neticesinde bir usul qararı çıqarılacaq", - dep qayd ettiler İİN-nde.
Yalta-Aqyar yolunda noyabrniñ 19-ında aqşam yol qazası oldı. Rusiye FVN-niñ Qırım idaresiniñ matbuat hızmeti bildirgeni kibi, "Moskviç" maşnası kiyik domuznı urğanından soñ, avdarıldı.
"Tavrida" trassasında noyabr 17-sinde İslâm Terek rayonınıñ Oy Quyu (Vladislavovka) köyü nde yol qazası oldı, bir adam elâk oldı, daa birisi yaralandı.
