Ukraina prezidenti namzeti Volodımır Zelenskıy martnıñ 31-inde saylavda rey berdi. Bu Kyiv saylav bölüklerinden birisinde oldı, dep bildire Radio Svoboda.
Bölükke kirecekte Zelenskıy jurnalistlerge “er şey yahşı olacaq” dep ayttı.
Daa evel prezident saylavlarında Yuliya Tımoşenko ve daa bir qaç başqa namzet rey berdi.
Martnıñ 31-inde Ukrainada prezident saylavları keçe. Bu yer içün 39 namzet küreşe. Saylav bölükleri öz işini saat 8:00-da başladı ve 20:00-ğace çalışacaq. Ukraina prezidenti saylavları umumiydir. 18 yaşına kelgen bütün Ukraina vatandaşlarınıñ rey berüv aqqı bar. Saylavda iştirak etmek içün saylavcınıñşahsiyetini tasdıqlağan vesiqa olmalı. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
