Ukraina prezidenti namzeti ve “Batkivşçina” partiyasınıñ başı Yuliya Tımoşenko, Kyiv saylav bölügine kelip, rey berdi. Onıñ matbuat hızmeti vaqia yerinden canlı yayınlay, dep bildire Radio Svoboda.
İçtimaiyat reytinglerine köre, Timoşenko üc saylav liderleriniñ birisi ola, onıñnen beraber cedvelniñ töpesinde Petro Poroşenko ve Volodımır Zelenskıy. Saylavda umumen 39 namzet iştirak ete.
Martnıñ 31-inde Ukrainada prezident saylavları keçe. Bu yer içün 37 namzet küreşe. Saylav bölükleri öz işini saat 8:00-da başladı ve 20:00-ğace çalışacaq. Ukraina prezidenti saylavları umumiydir. 18 yaşına kelgen bütün Ukraina vatandaşlarınıñ rey berüv aqqı bar. Saylavda iştirak etmek içün saylavcınıñşahsiyetini tasdıqlağan vesiqa olmalı. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
