Ukrainada prezident saylavları başlandı. Saylav bölükleri öz işini saat 8:00-da başladı ve 20:00-ğace çalışacaq, dep bildire Radio Svoboda.
Bu yer içün 37 namzet küreşe. Billütende Oleksandr Moroz ve Sergey Taruta da bar, amma olar saylavda iştiraktan vazgeçken edi.
Ukraina prezidenti saylavları umumiydir. 18 yaşına kelgen bütün Ukraina vatandaşlarınıñ rey berüv aqqı bar. Saylavda iştirak etmek içün saylavcınıñşahsiyetini tasdıqlağan vesiqa olmalı.
Merkeziy saylav komissiya, saylav neticelerini aprelniñ 10-unace ilân etmek kerek.
Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek.
Qırımlılar qıta Ukrainada rey bere bile.
