Link açıqlığı

Saatnıñ esas haberi

Zelenskıy ilk fermanını imzaladı


Volodımır Zelenskıy inauguratsiyada, Kyiv, 2019 senesi, mayıs 20
Volodımır Zelenskıy inauguratsiyada, Kyiv, 2019 senesi, mayıs 20

Ukrainanıñ yañı prezidenti Volodımır Zelenskıy, “Ukraina Silâlı Quvetleri Üyken Yolbaşçısı salâhiyetlerini özüne alğanı aqqında” ilk fermanını imzaladı. Bu aqta Azatlıq Radiosı bildirmekte.

Vesiqa metni devlet başı saytında derc etildi.

“2019 senesi mayıs 20-sinde Ukraina prezidenti vazifesine buyurğanıma binaen, Ukraina Anayasasınıñ 106 maddeniñ birinci qısmınıñ 17-nci punktuna köre, bugünden başlap Ukraina Silâlı Quvetleri Üyken Yolbaşçısı salâhiyetlerini özüme alam”, - denile fermanda.

Mayıs 20-sinde Volodımır Zelenskıy resmiy şekilde Ukraina prezidenti oldı. Aprel ayında o, prezident saylavlarınıñ ekinci turınla reylerniñ 73,22%-ını qazanıp galip çıqtı. Ukrainanıñ beşinci prezidenti Petro Poroşenko reylerniñ 24,45%-ını qazandı. Ukraina prezidenti vekâletleri beş yıl devam etmektedir.

Volodımır Zelenskıy, inauguratsiya nutqunıñ soñunda Yuqarı Radanı dağıtıp yiberecegi aqqında billdirdi.

XS
SM
MD
LG