Link açıqlığı

Saatnıñ esas haberi

Zelenskıy resmiy şekilde Ukraina prezidenti oldı


Volodımır Zelenskıy resmiy şekilde Ukraina prezidenti oldı, dep haber ete Azatlıq Radiosı.

«Men, Volodımır Zelenskıy, halqnıñ iradesi ile Ukraina prezidenti olaraq saylandım, bu yüksek vazifege başlap, Ukrainağa sadıq olacağıma ant etem. Yapqan işlerimnen Ukraina mustaqilligini qorumağa, Vatanımıznıñ hayrına ve ukrain halqınıñ eyiallığını tüşünmege, vatandaşlarımıznıñ aqlarını ve serbestligini imaye etmege, Ukraina Anayasası ve Ukraina qanunlarına riayet etmege, bütün semetdeşlerimniñ menfaatları içün vazifelerimni yapmağa, Ukrainanıñ dünyadaki itibarını arttırmağa söz berem», – dep oqudı Zelenskıy ant metnini.

Aprel ayında o, prezident saylavlarınıñ ekinci turınla reylerniñ 73,22%-ını qazanıp galip çıqtı. Ukrainanıñ beşinci prezidenti Petro Poroşenko reylerniñ 24,45%-ını qazandı. Ukraina prezidenti vekâletleri beş yıl devam etmektedir.

Zelenskıynıñ inauguratsiyasını Qırım.Aqiqat ve «Nastoyaşçeye vremâ» telekanalı yayınlamaqtalar.

XS
SM
MD
LG