Yedi Quyu rayonınıñ politsiya hadimleri, mopedni aydağan 15 yaşındaki qız yaralanğan yol qazasınıñ teşkerüvini yapa. Qız bala endekke tüşti, onıñ qırıqları bar.
Bunı Qırım İİN idaresiniñ matbuat hızmeti bildire.
"İlk malümatqa köre, Ostanino köyünden 4 kiometr uzaqlıqta 15 yaşındaki qız mopedni aydadı, tezlikni aştı ve bunıñ sebebinden endekke tüşti. Bala yaralandı. Qıznı qırıqlarnen hastahanege qoydılar", - denile beyanatta.
Qırımnıñ Qurman rayonında moped aydavcısı, yolnı keçitten keçken 39 yaşındaki piyadeni urdı ve qaza yerinden qaçtı.
Avgust 6-sında aqşam Nasipköy (Nasıpnoye) yanında eki maşna - Kamaz ve Renault çatıştı. Qazada bir adam elâk oldı, eki adam yaralandı.
