Avgust 6-sında aqşam Nasipköy (Nasıpnoye) yanında eki maşna - Kamaz ve Renault çatıştı. Qazada bir adam elâk oldı, eki adam yaralandı. Bunı Qırımnıñ rusiyeli akimiyetiniñ matbuat hımeti bildirdi.
"Yaralanğanlar, Kamaznıñ aydavcısı ve Renaultnıñ yolcusı acele yardım hadimlerine berildi, olarnı Kefe şeer hastahanesine qoydılar. Yazıq ki, yengil maşnanıñ aydavcısı yaralarından elâk oldı", - dedi müessiseniñ başı Sergey Şahov.
Qırım ve Aqyar boyunca rusiyeli Tahqiqat komitetiniñ idaresinde, saba "Tavrida" trassasında olğan qazada doquz adam elâk olğanını ve daa doquz adam yaralanğanını bildirdiler.
Çarşenbe künü, iyül 15-inde, Aqmescit-Kezlev yolunda Opel Vectra ve Škoda Octavia çatıştı. Bir adam yaralandı.
Aqmescitte iyül 3-ünde yol qazası neticesinde Trolleybusnaya soqağında maşna yandı.
İyün 30-ında "Tavrida" trassasında Yedi Quyu rayonında Çuqul (Vinogradnoye) köyünde eki yük maşnası çatıştı.
